ਮਨਪ੍ਰੀਤ ਬਾਦਲ ਨੇ ਬਜਟ ਵਿੱਚ ਆਮ ਲੋਕਾਂ ਨੂੰ ਦਿੱਤਾ ਵੱਡਾ ਤੋਹਫਾ

ਵਿੱਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਨੇ ਬਜਟ ਵਿਚ ਪੰਜਾਬ ਵਾਸੀਆਂ ਨੂੰ ਵੱਡੀ ਰਾਹਤ ਦਿੰਦਿਆਂ ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ ਵਿਚ ਵੱਡੀ ਕਟੌਤੀ ਕੀਤੀ ਹੈ। ਸਰਕਾਰ ਨੇ ਬਜਟ ਵਿਚ ਪੈਟਰੋਲ 5 ਰੁਪਏ ਤੇ ਡੀਜਲ 1 ਰੁ ਸਸਤਾ ਕਰਨਾ ਦਾ ਫੈਸਲਾ ਲਿਆ ਹੈ। ਇਹ ਹੁਕਮ ਅੱਜ ਰਾਤ ਤੋਂ ਲਾਗੂ ਹੋ ਜਾਣਗੇ।

ਹੋਰ ਅਹਿਮ ਫੈਸਲੇ ਲੈਂਦਿਆਂ ਕੈਪਟਨ ਸਰਕਾਰ ਨੇ ਵਿੱਤੀ ਵਰ੍ਹੇ 2019-20 ਦੌਰਾਨ ਸੂਬਾ ਵਾਸੀਆਂ ‘ਤੇ ਕੋਈ ਵੀ ਨਵਾਂ ਕਰ ਨਾ ਲਾਉਣ ਦਾ ਫੈਸਲਾ ਕੀਤਾ ਹੈ।ਮਨਪ੍ਰੀਤ ਬਾਦਲ ਨੇ 1,58,493 ਕਰੋੜ ਰੁਪਏ ਦਾ ਬਜਟ ਪੇਸ਼ ਕੀਤਾ, ਜਿਸ ਵਿਚ ਝੋਨੇ ਦੀ ਪਰਾਲੀ ਦੇ ਸਹੀ ਪ੍ਰਬੰਧਨ ਲਈ 375 ਕਰੋੜ ਰੁਪਏ, ਬੇਜ਼ਮੀਨੇ ਖੇਤ ਮਜ਼ਦੂਰਾਂ ਤੇ ਖ਼ੁਦਕੁਸ਼ੀ ਪੀੜਤ ਕਿਸਾਨੀ ਪਰਿਵਾਰਾਂ ਲਈ 3,000 ਕਰੋੜ,

ਦਿਹਾਤੀ ਤੇ ਸ਼ਹਿਰੀ ਖੇਤਰਾਂ ‘ਚ ਬੁਨਿਆਦੀ ਢਾਂਚਾ ਵਿਕਸਤ ਕਰਨ ਲਈ ਫੰਡਾਂ ਦੀ ਦਰ ਕ੍ਰਮਵਾਰ 36.08% ਤੇ 19.94% ਵਧਾਈ, ਵਿੱਦਿਆ ਤੇ ਸਿਹਤ ਖੇਤਰ ਵਿੱਚ 9.75 ਫ਼ੀਸਦ ਤੇ 10.87 ਫ਼ੀਸਦ ਦੇ ਹਿਸਾਬ ਨਾਲ ਫੰਡਾਂ ਦੀ ਅਲਾਟਮੈਂਟ ਕੀਤੀ ਜਾਵੇਗੀ।

ਸੂਬੇ ‘ਤੇ ਕਰਜ਼ਾ 2,12,276 ਕਰੋੜ ਰੁਪਏ ਤੋਂ ਵੱਧ ਕੇ 2,29,612 ਕਰੋੜ ਰੁਪਏ ਹੋਇਆ,ਵਿੱਤੀ ਵਰ੍ਹੇ 2019-20 ਵਿੱਚ ਸੂਬੇ ਦਾ ਮਾਲੀਆ ਘਾਟਾ 11,687 ਕਰੋੜ ਰੁਪਏ ਹੋਵੇਗਾ ਤੇ ਵਿੱਤੀ ਘਾਟਾ 19,658 ਕਰੋੜ ਰੁਪਏ ਹੋਵੇਗਾ

ਪੰਜਾਬ ਦੇ ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਕੈਪਟਨ ਸਰਕਾਰ ਦਾ ਤੀਜਾ ਬਜਟ ਪੇਸ਼ ਕਰ ਰਹੇ ਹਨ। ਹਾਲਾਂਕਿ, ਉਨ੍ਹਾਂ ਦਾ ਭਾਸ਼ਣ ਅਕਾਲੀ ਦਲ ਵੱਲੋਂ ਕੀਤੇ ਹੰਗਾਮੇ ਕਾਰਨ ਪ੍ਰਭਾਵਿਤ ਰਿਹਾ। ਬਜਟ ਭਾਸ਼ਣ ਪੜ੍ਹਨ ਦੌਰਾਨ ਅਕਾਲੀ ਦਲ ਵਲੋਂ ਨਵਜੋਤ ਸਿੱਧੂ ਮਾਮਲੇ ਨੂੰ ਲੈ ਕੇ ਲਗਾਤਾਰ ਹੰਗਾਮਾ ਕੀਤਾ, ਅਕਾਲੀ ਦਲ ਵੱਲੋਂ ਮੰਗ ਕੀਤੀ ਗਈ ਹੈ ਕਿ ਸਿੱਧੂ ਨੂੰ ਕੈਬਿਨਟ ‘ਚੋਂ ਬਾਹਰ ਕੱਢਿਆ ਜਾਵੇ।

ਆਉਣ ਵਾਲੇ ਦਿਨਾਂ ਵਿੱਚ ਪੰਜਾਬ ਦੇ ਇਨ੍ਹਾਂ ਜਗ੍ਹਾ ਤੇ ਪੈ ਸਕਦਾ ਹੈ ਭਾਰੀ ਮੀਂਹ ਤੇ ਗੜੇਮਾਰੀ

ਪੰਜਾਬ ਸਣੇ ਉੱਤਰ ਭਾਰਤ ਚ ਇੱਕ ਵਾਰ ਫੇਰ ਬਰਸਾਤਾਂ ਦਾ ਨਵਾਂ ਦੌਰ ਸ਼ੁਰੂ ਹੋਣ ਵਾਲਾ ਹੈ। ਹਾਲਾਂਕਿ ਜੰਮੂ-ਕਸ਼ਮੀਰ ‘ਤੇ ਮੌਜੂਦ ਕਮਜੋਰ ਵੈਸਟਰਨ ਡਿਸਟ੍ਬੇਂਸ ਕਾਰਨ ਅੱਜ ਵੀ ਸੂਬੇ ਦੇ ਕਈ ਹਿੱਸਿਆਂ ਚ ਕਣੀਆਂ ਪਈਆਂ। 18 ਤੋਂ 22 ਫਰਵਰੀ ਦਰਮਿਆਨ ਲਗਾਤਾਰ 2 ਵੈਸਟਰਨ ਡਿਸਟ੍ਬੇਂਸ ਸੂਬੇ ਨੂੰ ਪ੍ਰਭਾਵਿਤ ਕਰਨਗੇ।

ਪਹਿਲਾਂ ਸਿਸਟਮ ਸੋਮਵਾਰ ਤੋਂ ਪੰਜਾਬ ਪਹੁੰਚ ਕੇ ਟੁੱਟਮੀ ਕਾਰਵਾਈ ਨੂੰ ਅੰਜਾਮ ਦੇਵੇਗਾ ਤੇ ਸੰਘਣੀ ਬੱਦਲਵਾਈ ਨਾਲ ਘੱਟ ਸਮੇਂ ਵਾਲੀਆਂ ਹਲਕੀਆਂ ਫੁਹਾਰਾਂ ਪੈਣਗੀਆਂ, ਕੁਝ ਥਾਂਈ “ਕੋਲਡ ਡੇਅ” ਹੋਵੇਗਾ। ਸਤਲੁਜ ਲਾਗੇ ਖੇਤਰਾਂ ਤੇ ਦੁਆਬੇ ਚ ਦਰਮਿਆਨੀ ਫੁਹਾਰ ਦੀ ਉਮੀਦ ਰਹੇਗੀ ਪਰਸੋਂ ਸਵੇਰ ਤੁਕ ਇਹ ਸਿਸਟਮ ਕਮਜ਼ੋਰ ਪੈ ਜਾਵੇਗਾ।

ਦੂਜਾ ਵੈਸਟਰਨ ਡਿਸਟ੍ਬੇਂਸ ਜੋਕਿ ਪਹਿਲੇ ਨਾਲੋਂ ਤਕੜਾ ਹੋਵੇਗਾ। 20 ਫਰਵਰੀ ਸ਼ਾਮ ਤੋਂ ਸੂਬੇ ਚ ਬਰਸਾਤੀ ਕਾਰਵਾਈਆਂ ਦੀ ਵਜ੍ਹਾ ਬਣੇਗਾ, ਜੋ ਕਿ 22 ਫਰਵਰੀ ਤੱਕ ਸੂਬੇ ਨੂੰ ਪ੍ਰਭਾਵਿਤ ਕਰਦਾ ਰਹੇਗਾ। ਇਸ ਦੌਰਾਨ ਸੂਬੇ ਚ ਫੇਰ ਗੜੇਮਾਰੀ ਦੇਖੀ ਜਾਵੇਗੀ। 23 ਫਰਵਰੀ ਤੋਂ ਮੌਸਮ ਦੇ ਖੁੱਲ ਜਾਣ ਦੀ ਉਮੀਦ ਹੈ।

ਪਰ ਦੋਵੇਂ ਸਿਸਟਮਜ਼ ਦੇ ਗੁਜਰ ਜਾਣ ਬਾਅਦ ਬਰਫ ਨਾਲ ਲੱਦੇ ਪਹਾੜਾਂ ਤੋਂ ਸ਼ੀਤ ਹਵਾਂਵਾਂ ਤਾਪਮਾਨ ਨੂੰ ਔਸਤ ਨਾਲੋਂ ਹੇਠਾਂ ਬਣਾਈ ਰੱਖਣਗੀਆਂ। ਇੱਥੋਂ ਤੱਕ ਕਿ ਮਾਰਚ ਅੱਧ ਤੱਕ ਦਿਨ ਦਾ ਪਾਰਾ ਔਸਤ ਤੋਂ ਹੇਠਾਂ ਹੀ ਰਹਿਣ ਦੀ ਉਮੀਦ ਹੈ।

20 -21 ਫਰਵਰੀ ਅਮ੍ਰਿਤਸਰ,ਤਰਨਤਾਰਨ ਗੁਰਦਾਸਪੁਰ,ਪਠਾਨਕੋਟ,ਜਲੰਧਰ ਕਪੂਰਥਲਾ ਹੁਸਿਆਰਪੁਰ ਦੇ ਕਈ ਹਿੱਸਿਆਂ ਚ ਦਰਮਿਆਨੇ ਮੀਂਹ ਨਾਲ ਇੱਕਾ-ਦੁੱਕਾ ਥਾਂ ਭਾਰੀ ਮੀਂਹ ਦੀ ਸਭਾਵਨਾ ਹੈ ਜਦ ਕਿ 20-21 ਫਰਵਰੀ ਪੰਜਾਬ ਦੇ ਬਾਕੀ ਰਹਿੰਦੇ ਹਿੱਸਿਆਂ ਚ ਹਲਕੇ ਤੋਂ ਦਰਮਿਆਨੇ ਮੀਂਹ ਦੀ ਉਮੀਦ ਰਵੇਗੀ,22ਫਰਵਰੀ ਤੋਂ ਮੀਂਹ ਵਿੱਚ ਕਮੀ ਆਵੇਗੀ ।

ਧੰਨਵਾਦ ਸਹਿਤ:  ਪੰਜਾਬ_ਦਾ_ਮੌਸਮ

ਮੌਸਮ ਨੇ ਫਿਰ ਬਦਲਿਆ ਮਿਜਾਜ਼, ਮੀਂਹ ਦੀ ਚਿਤਾਵਨੀ

ਪੰਜਾਬ ‘ਚ ਬੀਤੇ ਕੁੱਝ ਹਫ਼ਤੇ ਲਗਾਤਾਰ ਗੜੇ ਮਾਰੀ ਹੋਈ ਸੀ। ਜਿਸ ਨਾਲ ਪੰਜਾਬ ‘ਚ ਠੰਡ ਦਾ ਵਾਧਾ ਹੋ ਗਿਆ। ਪੰਜਾਬ ’ਚ ਆਉਣ ਵਾਲੇ ਦਿਨਾਂ ਦਾ ਮੌਸਮ ਖੁਸ਼ਕ ਰਹੇਗਾ, ਜਦਕਿ ਸੋਮਵਾਰ ਹਲਕੀ ਵਰਖਾ ਹੋ ਸਕਦੀ ਹੈ।

ਮੌਸਮ ਵਿਭਾਗ ਮੁਤਾਬਕ ਪਿਛਲੇ 24 ਘੰਟਿਆਂ ਦੌਰਾਨ ਪੰਜਾਬ ਤੇ ਨਾਲ ਲੱਗਦੇ ਕਈ ਇਲਾਕਿਆਂ ’ਚ ਕਈ ਥਾਵਾਂ ‘ਤੇ ਹਲਕੀ ਵਰਖਾ ਹੋਈ, ਜਿਸ ਤੋਂ ਬਾਅਦ ਚੰਡੀਗੜ੍ਹ ‘ਚ ਘੱਟੋ-ਘੱਟ ਤਾਪਮਾਨ 13 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।

ਓਧਰ ਗੱਲ ਕਰੀਏ ਅੰਮ੍ਰਿਤਸਰ ਦੀ ਤਾਂ ਇਥੇ ਦਾ ਤਾਪਮਾਨ 8 ਡਿਗਰੀ ਸੈਲਸੀਅਸ ਦਰਜ਼ ਕੀਤਾ ਗਿਆ ਅਤੇ ਲੁਧਿਆਣਾ ’ਚ 11ਡਿਗਰੀ ਸੈਲਸੀਅਸ , ਪਟਿਆਲਾ ’ਚ 13 ਡਿਗਰੀ ਸੈਲਸੀਅਸ, ਜਲੰਧਰ ਨੇੜੇ ਆਦਮਪੁਰ ’ਚ 9, ਬਠਿੰਡਾ ’ਚ 7 ਤੇ ਹਲਵਾਰਾ ’ਚ 10 ਡਿਗਰੀ ਸੈਲਸੀਅਸ ਤਾਪਮਾਨ ਦਰਜ ਕੀਤਾ ਗਿਆ।

ਡਲਹੌਜ਼ੀ ’ਚ 24, ਕੁਫਰੀ ’ਚ 7 ਤੇ ਮਨਾਲੀ ’ਚ 3 ਸੈਂਟੀਮੀਟਰ ਤੱਕ ਬਰਫ ਪਈ, ਜਿਸ ਕਾਰਨ ਮਨਾਲੀ ’ਚ ਘੱਟੋ-ਘੱਟ ਤਾਪਮਾਨ ਮਨਫੀ 1.8, ਕੁਫਰੀ ’ਚ ਮਨਫੀ 1.5, ਡਲਹੌਜ਼ੀ ’ਚ ਮਨਫੀ 1.5 ਤੇ ਸ਼ਿਮਲਾ ’ਚ 2.9 ਡਿਗਰੀ ਸੈਲਸੀਅਸ ਤਾਪਮਾਨ ਸੀ।

ਦੂਜੇ ਪਾਸੇ ਗੱਲ ਕਰੀਏ ਸ਼ਿਮਲਾ ਦੀ ਤਾਂ ਓਥੇ ਬਰਫਬਾਰੀ ਕਰਕੇ ਸੈਲਾਨੀਆਂ ਦੀ ਭੀੜ ਲੱਗੀ ਹੋਈ ਹੈ । ਮਨਾਲੀ ਤੇ ਡਲਹੌਜ਼ੀ ’ਚ ਪਿਛਲੇ 24 ਘੰਟਿਆਂ ਦੌਰਾਨ ਤਾਜ਼ਾ ਬਰਫਬਾਰੀ ਹੋਈ। ਪਹਾੜਾਂ ਲਾਗੇ ਹਲਕੀ ਕਾਰਵਾਈ ਹਾਲੇ ਵੀ ਜਾਰੀ ਹੈ ।  ਪੰਜਾਬ  ਦੇ ਕਈ ਜਿਲਿਆਂ ਚ ਧੁੰਦ ਦੀ ਵਾਪਸੀ ਹੋਣੀ ਤੈਅ ਹੈ।ਹਾਲਾਂਕਿ 20 ਫਰਵਰੀ ਦੇ ਕਰੀਬ ਬਰਸਾਤਾਂ ਦੀ ਦੁਬਾਰਾ ਵਾਪਸੀ ਸੰਭਵ ਹੈ।18-19 ਇਕ ਦੋ ਥਾਂ ਹਲਕੀ ਕਾਰਵਾਈ ਤੋ ਇਨਕਾਰ ਨਹੀਂ।

ਐਮੀ ਵਿਰਕ ਤੇ ਰਣਜੀਤ ਬਾਵਾ ਦੇਣਗੇ ਸ਼ਹੀਦਾਂ ਦੇ ਪਰਿਵਾਰਾਂ ਨੂੰ ਏਨੇ ਲੱਖ ਰੁਪਏ ਦੀ ਮਦਦ

ਪੂਰੇ ਦੇਸ਼ ਨੂੰ ਝੰਜੋੜ ਕੇ ਰੱਖ ਦੇਣ ਵਾਲੇ ਪੁਲਵਾਮਾ ਦਹਿਸ਼ਤੀ ਹਮਲੇ ਦੇ ਸ਼ਹੀਦਾਂ ਨੂੰ ਹਰ ਕੋਈ ਸਲਾਮ ਕਰ ਰਿਹਾ ਹੈ। ਸ਼ਹੀਦਾਂ ਦੇ ਪਰਿਵਾਰਾਂ ਦੇ ਦੁੱਖ ਵਿੱਚ ਹਰ ਕੋਈ ਸ਼ਰੀਕ ਹੋ ਰਿਹਾ ਹੈ, ਉੱਥੇ ਹੀ ਫ਼ਿਲਮੀ ਸਿਤਾਰੇ ਵੀ ਉਨ੍ਹਾਂ ਦਾ ਦੁੱਖ ਵੰਡਾਉਣ ਲਈ ਨਿੱਤਰ ਰਹੇ ਹਨ।

ਵੀਰਵਾਰ ਨੂੰ ਪੁਲਵਾਮਾ ‘ਚ ਹੋਏ ਅੱਤਵਾਦੀ ਹਮਲੇ ਦੀ ਦੇਸ਼ ਭਰ ‘ਚ ਨਿੰਦਿਆ ਹੋ ਰਹੀ ਹੈ।  ਪੰਜਾਬੀ ਫਿਲਮ ਇੰਡਸਟਰੀ ਦੇ ਉੱਘੇ ਅਦਾਕਾਰ ਐਮੀ ਵਿਰਕ ਤੇ ਰਣਜੀਤ ਬਾਵਾ ਵੀ ਇਸ ਹਮਲੇ ਕਾਰਨ ਬੇਹੱਦ ਦੁਖੀ ਹਨ।

ਐਮੀ ਵਿਰਕ ਤੇ ਰਣਜੀਤ ਬਾਵਾ ਨੇ ਪੰਜਾਬ ਦੇ ਸ਼ਹੀਦ ਜਵਾਨਾਂ ਦੇ ਪਰਿਵਾਰਾਂ ਨੂੰ 10 ਲੱਖ ਰੁਪਏ (2.50 ਲੱਖ ਹਰੇਕ ਸ਼ਹੀਦ ਦੇ ਪਰਿਵਾਰ ਨੂੰ) ਦੀ ਮਦਦ ਦੇਣ ਦਾ ਐਲਾਨ ਕੀਤਾ ਹੈ। ਐਮੀ ਨੇ ਲਿਖਿਆ, ‘ਜਿਹੜੇ ਸਾਡੇ ਵੀਰ ਸ਼ਹੀਦ ਹੋਏ ਹਨ, ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਮੈਂ 10 ਲੱਖ ਰੁਪਏ (2.50 ਲੱਖ ਹਰੇਕ ਪਰਿਵਾਰ ਨੂੰ) ਦੇਣ ਦਾ ਫੈਸਲਾ ਕੀਤਾ ਹੈ।

ਮੈਂ ਉਨ੍ਹਾਂ ਦੇ ਪਰਿਵਾਰਾਂ ਦੇ ਪੁੱਤਰਾਂ ਦਾ ਘਾਟਾ ਤਾਂ ਪੂਰਾ ਨਹੀਂ ਕਰ ਸਕਦਾ ਪਰ ਜੋ ਮੈਂ ਆਪਣੇ ਵਲੋਂ ਕਰ ਸਕਦਾ ਹਾਂ ਮੈਂ ਉਹ ਕਰ ਰਿਹਾ ਹਾਂ। ਉਮੀਦ ਕਰਦਾ ਹਾਂ ਕਿ ਤੁਸੀਂ ਵੀ ਆਪਣੇ ਵਲੋਂ ਮਦਦ ਕਰੋਗੇ। ਵਾਹਿਗੁਰੂ ਮਿਹਰ ਕਰੇ।’

ਦੱਸਣਯੋਗ ਹੈ ਕਿ ਪੁਲਵਾਮਾ ਅੱਤਵਾਦੀ ਹਮਲੇ ‘ਚ ਕੁਲ 44 ਜਵਾਨ ਸ਼ਹੀਦ ਹੋਏ, ਜਿਨ੍ਹਾਂ ‘ਚੋਂ 4 ਪੰਜਾਬ ਨਾਲ ਸਬੰਧ ਰੱਖਦੇ ਸਨ। ਇਨ੍ਹਾਂ ‘ਚੋਂ ਮਨਿੰਦਰ ਸਿੰਘ, ਜੋ ਕਿ ਗੁਰਦਾਸਪੁਰ, ਕੁਲਵਿੰਦਰ ਸਿੰਘ ਆਨੰਦਰਪੁਰ ਸਾਹਿਬ, ਜੈਮਲ ਸਿੰਘ ਮੋਗਾ ਅਤੇ ਸੁਖਜਿੰਦਰ ਸਿੰਘ ਤਰਨਤਾਰਨ ਦੇ ਰਹਿਣ ਵਾਲੇ ਸਨ। ਇਸ ਅੱਤਵਾਦੀ ਹਮਲੇ ਦੀ ਜਿੰਮੇਵਾਰੀ ਅੱਤਵਾਦੀ ਸੰਗਠਨ ਜੈਸ਼-ਏ-ਮੁਹੰਮਦ ਨੇ ਲਈ ਹੈ।

ਪ੍ਰਾਈਵੇਟ ਸਕੂਲਾਂ ਵਿੱਚ ਵਧਦੀਆਂ ਫੀਸਾਂ ‘ਤੇ ਸਰਕਾਰ ਵੱਲੋਂ ਵੱਡਾ ਕਦਮ, ਹੁਣ ਇਸ ਤੋਂ ਵੱਧ ਫੀਸ ਨਹੀਂ ਲੈ ਸਕਣਗੇ ਪ੍ਰਾਈਵੇਟ ਸਕੂਲ

ਪੰਜਾਬ ਦੇ ਸਮੂਹ ਪ੍ਰਾਈਵੇਟ ਸਕੂਲ ਆਉਂਦੇ ਵਿੱਦਿਅਕ ਸੈਸ਼ਨ 2019-20 ਦੌਰਾਨ 8 ਫ਼ੀਸਦੀ ਤੋਂ ਵਧੇਰੇ ਫ਼ੀਸ ਨਹੀਂ ਵਧਾ ਸਕਣਗੇ | ਜੇਕਰ ਕੋਈ ਸਕੂਲ ਅਜਿਹਾ ਕਰੇਗਾ ਤਾਂ ਉਸ ਦੇ ਖ਼ਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ | ਇਹ ਹਦਾਇਤਾਂ ਡਾਇਰੈਕਟਰ ਸਿੱਖਿਆ ਵਿਭਾਗ (ਸੈ.ਸਿ.) ਪੰਜਾਬ ਨੇ ਸਮੂਹ ਜ਼ਿਲਿ੍ਹਆਂ ਦੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਨੂੰ ਇਕ ਪੱਤਰ ਰਾਹੀਂ ਜਾਰੀ ਕਰਕੇ ਇਸ ਸਬੰਧੀ ਠੋਸ ਕਦਮ ਚੁੱਕਣ ਲਈ ਕਿਹਾ ਹੈ |

ਉਨ੍ਹਾਂ ਦੱਸਿਆ ਹੈ ਕਿ ਹਰ ਸਾਲ ਵੱਡੀ ਪੱਧਰ ‘ਤੇ ਮਾਪਿਆਂ ਵਲੋਂ ਨਿੱਜੀ ਸਕੂਲਾਂ ਅੰਦਰ ਫ਼ੀਸਾਂ ‘ਚ ਕੀਤੇ ਜਾਂਦੇ ਵਾਧੇ ਬਾਰੇ ਮੁੱਖ ਦਫ਼ਤਰ ਨੂੰ ਕਈ ਸ਼ਿਕਾਇਤਾਂ ਪ੍ਰਾਪਤ ਹੁੰਦੀਆਂ ਹਨ | ਬੇਸ਼ੱਕ ਪੰਜਾਬ ਰੈਗੂਲੇਸ਼ਨ ਆਫ਼ ਫ਼ੀਸ ਅਨ-ਏਡਿਡ ਐਜੂਕੇਸ਼ਨ ਐਕਟ-2016 ਦੇ ਸੈਕਸ਼ਨ 5 ਅਧੀਨ ਅਨ ਏਡਿਡ ਸੰਸਥਾਵਾਂ ਫ਼ੀਸ ਨਿਰਧਾਰਿਤ ਕਰਨ ਅਤੇ ਫ਼ੀਸ ‘ਚ ਵਾਧਾ ਕਰਨ ਦੇ ਸਮਰੱਥ ਹਨ |

ਪਰ ਇਹ ਵਾਧਾ ਨਿਰਧਾਰਿਤ ਸਮੇਂ ਇਸ ਐਕਟ ਦੀ ਧਾਰਾ 6 (1) ਅਨੁਸਾਰ ਕੀਤਾ ਜਾ ਸਕੇਗਾ | ਫ਼ੀਸ ‘ਚ ਵਾਧਾ ਕਰਦੇ ਸਮੇਂ ਪਿਛਲੇ ਸਾਲ ਦੀ ਫ਼ੀਸ ਦੇ ਮੁਕਾਬਲੇ 8 ਫ਼ੀਸਦੀ ਤੋਂ ਜ਼ਿਆਦਾ ਵਾਧਾ ਕਰਨ ਦੀ ਮਨਾਹੀ ਹੈ | ਸਕੂਲ ਅੰਦਰ ਲਈਆਂ ਜਾਣ ਵਾਲੀਆਂ ਫ਼ੀਸਾਂ ਸਬੰਧੀ ਸਕੂਲ ਦੀ ਹਦੂਦ ਅੰਦਰ ਪਿ੍ੰਟ ਲਗਾਏ ਜਾਣ ਅਤੇ ਫ਼ੀਸ ਲੈਂਦੇ ਸਮੇਂ ਮਾਪਿਆਂ ਨੂੰ ਰਸੀਦ ਵੀ ਦਿੱਤੀ ਜਾਵੇ |

ਅਨੇਕਾਂ ਨਿੱਜੀ ਸਕੂਲ ਹਰ ਸਾਲ ਫ਼ੀਸਾਂ ‘ਚ ਆਪਣੀ ਮਨ ਮਰਜ਼ੀ ਨਾਲ ਵਾਧਾ ਕਰਕੇ ਮਾਪਿਆਂ ਦੀ ਲੁੱਟ ਕਰਦੇ ਹਨ ਅਤੇ ਉਨ੍ਹਾਂ ਦੀਆਂ ਮਨਮਾਨੀਆਂ ਨੂੰ ਠੱਲ੍ਹ ਪਾਉਣ ਲਈ ਵਿਭਾਗ ਵਲੋਂ ਇਹ ਠੋਸ ਕਦਮ ਪੁੱਟਿਆ ਗਿਆ ਹੈ |

ਡਾਇਰੈਕਟਰ ਨੇ ਸਮੂਹ ਜ਼ਿਲਿ੍ਹਆਂ ਦੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰਾਂ ਨੂੰ ਪੱਤਰ ਜਾਰੀ ਕਰਕੇ ਰਾਜ ਦੇ ਸਮੂਹ ਨਿੱਜੀ ਸਕੂਲਾਂ ਪੰਜਾਬ ਐਕਟ-2008 ਦੇ ਅਨੁਸਾਰ ਪਹਿਲੀ ਤੋਂ ਲੈ ਕੇ ਦਸਵੀਂ ਜਮਾਤ ਤੱਕ ਪੰਜਾਬੀ ਵਿਸ਼ੇ ਨੂੰ ਲਾਜ਼ਮੀ ਤੌਰ ‘ਤੇ ਪੜ੍ਹਾਉਣਾ ਯਕੀਨੀ ਬਣਾਉਣ ਦੀ ਹਦਾਇਤ ਕੀਤੀ ਹੈ | ਜੇਕਰ ਕੋਈ ਸਕੂਲ ਇਸ ਦੀ ਉਲੰਘਣਾ ਕਰੇਗਾ ਤਾਂ ਉਸ ਨੂੰ ਜੁਰਮਾਨਾ ਕਰਨ ਦੇ ਨਾਲ-ਨਾਲ ਮਾਨਤਾ ਵੀ ਰੱਦ ਕੀਤੀ ਜਾ ਸਕਦੀ ਹੈ |

ਪੰਜਾਬੀਆਂ ਲਈ ਵੱਡੀ ਖੁਸ਼ਖਬਰੀ, ਸ਼ੁਰੂ ਹੋਏ ਤਿੰਨ ਨਵੇਂ ਪੰਜਾਬੀ ਚੈਨਲ

ਪੀਟੀਸੀ ਨੈੱਟਵਰਕ ਵੱਲੋਂ ਤਿੰਨ ਹੋਰ ਨਵੇਂ ਚੈਨਲ ਲਾਂਚ ਕੀਤੇ ਗਏ ਹਨ। ਜਿੰਨਾਂ ‘ਚ ਪੀਟੀਸੀ ਪੰਜਾਬੀ ਗੋਲ੍ਡ, ਪੀਟੀਸੀ ਸਿਮਰਨ ਅਤੇ ਪੀਟੀਸੀ ਮਿਊਜ਼ਿਕ ਚੈਨਲ ਦੇ ਨਾਮ ਸ਼ਾਮਿਲ ਹਨ।ਜਿਸ ਦੌਰਾਨ ਪੀਟੀਸੀ ਸਿਮਰਨ ‘ਤੇ 24 ਘੰਟੇ ਸਿੱਖ ਸੰਗਤਾਂ ਲਈ ਗੁਰਬਾਣੀ ਦਿਖਾਈ ਜਾਵੇਗੀ,

ਨਾਲ ਨਾਲ ਗੁਰਬਾਣੀ ਗਾਇਨ ਮੁਕਾਬਲੇ ਅਤੇ ਬੜੂ ਸਾਹਿਬ ਤੋਂ ਗੁਰਬਾਣੀ ਦਾ ਸਿੱਧਾ ਪ੍ਰਸਾਰਣ ਦਿਖਾਇਆ ਜਾਵੇਗਾ ਅਤੇ ਪੀਟੀਸੀ ਮਿਊਜ਼ਿਕ ‘ਤੇ ਪੰਜਾਬੀ ਸੱਭਿਆਚਾਰ ਨਾਲ ਜੁੜੇ ਹੋਏ ਗਾਣੇ ਦਿਖਾਏ ਜਾਣਗੇ ਅਤੇ ਪੀਟੀਸੀ ਗੋਲਡ ਪੰਜਾਬੀ ‘ਤੇ ਪੰਜਾਬੀ ਫ਼ਿਲਮਾਂ ਅਤੇ ਰਿਵਾਇਤੀ ਖੇਡਾਂ ਦਿਖਾਈਆਂ ਜਾਣਗੀਆਂ।

ਦੱਸ ਦੇਈਏ ਕਿ ਬੀਤੇ ਦਿਨ ਇਹ ਚੈੱਨਲ ਲਾਂਚ ਹੋ ਚੁੱਕੇ ਹਨ। ਤੁਸੀਂ ਇਹਨਾਂ ਚੈੱਨਲ ਨੂੰ ਫਾਸਟਵੇਅ ਤੇ DTH ਦੇਖ ਸਕਦੇ ਹੋ। ਪੀਟੀਸੀ ਪੰਜਾਬੀ ਗੋਲ੍ਡ ਫਾਸਟਵੇਅ ਚੈੱਨਲ ਨੰਬਰ 74, ਪੀਟੀਸੀ ਮਿਊਜ਼ਿਕ ਚੈੱਨਲ ਨੰਬਰ 75 ਅਤੇ ਪੀਟੀਸੀ ਸਿਮਰਨ ਚੈੱਨਲ ਨੰਬਰ 76 ‘ਤੇ ਮੌਜੂਦ ਹੈ।

ਪੀਟੀਸੀ ਨੈੱਟਵਰਕ ਪੀਟੀਸੀ ਨਿਊਜ਼, ਪੀਟੀਸੀ ਪੰਜਾਬੀ ਅਤੇ ਪੀਟੀਸੀ ਚੱਕ ਦੇ, ਚੈਨਲਾਂ ਰਾਹੀਂ ਪਹਿਲਾਂ ਹੀ ਦੁਨੀਆਂ ਭਰ ‘ਚ ਆਪਣੀ ਵੱਖਰੀ ਪਹਿਚਾਣ ਬਣਾ ਚੁੱਕਿਆਂ ਹੈ।

ਇਹ ਪੰਜਾਬ ਦਾ ਪਹਿਲਾਂ ਅਜਿਹਾ ਨੈੱਟਵਰਕ ਹੈ, ਜੋ ਖੇਤਰੀ ਭਾਸ਼ਾ ‘ਚ 7 ਚੈੱਨਲ ਦਰਸ਼ਕਾਂ ਦੀ ਝੋਲੀ ‘ਚ ਪਾਏ ਹਨ।ਜ਼ਿਕਰ ਏ ਖਾਸ ਹੈ ਕਿ ਪੀਟੀਸੀ ਨਸ਼ਿਆਂ, ਹਥਿਆਰਾਂ ਅਤੇ ਔਰਤਾਂ ਦਾ ਵਿਰੋਧ ਕਰਨ ਵਾਲੇ ਗਾਣੇ ਪ੍ਰਸਾਰਿਤ ਨਹੀਂ ਕਰਦਾ। ਪੰਜਾਬ ਅਤੇ ਪੰਜਾਬੀਅਤ ਨੂੰ ਪ੍ਰਫੁੱਲਿਤ ਕਰਨ ਲਈ ਪੀਟੀਸੀ ਹਮੇਸ਼ਾ ਇਸੇ ਤਰ੍ਹਾਂ ਕੰਮ ਕਰਦਾ ਰਹੇਗਾ।

ਕੈਪਟਨ ਨੇ ਸ਼ਹੀਦ ਪਰਿਵਾਰਾਂ ਵਾਸਤੇ ਖੋਲ੍ਹਿਆ ਆਪਣਾ ਦਿਲ, ਕੀਤਾ ਇਹ ਵੱਡੀ ਮਦਦ ਦੇਣ ਦਾ ਐਲਾਨ

ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਪੁਲਵਾਮਾ ਵਿਚ ਸ਼ਹੀਦ ਹੋਏ ਪੰਜਾਬ ਨਾਲ ਸਬੰਧ ਰੱਖਦੇ 4 ਸੀ. ਆਰ. ਪੀ. ਐੱਫ. ਜਵਾਨਾਂ ਨੂੰ 12-12 ਲੱਖ ਦੀ ਵਿੱਤੀ ਮਦਦ ਤੇ ਸਰਕਾਰੀ ਨੌਕਰੀ ਦੇਣ ਦਾ ਐਲਾਨ ਕੀਤਾ ਹੈ।

ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇਕ ਪ੍ਰੈੱਸ ਨੋਟਿਸ ਵਿਚ ਦੱਸਿਆ ਕਿ ਪੁਲਵਾਮਾ ਵਿਚ ਅੱਤਵਾਦੀਆਂ ਵਲੋਂ ਕੀਤੇ ਹਮਲੇ ਵਿਚ ਪੰਜਾਬ ਦੇ 4 ਜਵਾਨ ਸ਼ਹੀਦ ਹੋਏ ਹਨ ਤੇ ਇਨ੍ਹਾਂ ਪਰਿਵਾਰਾਂ ਦੀ ਮਦਦ ਕਰਨਾ ਸਰਕਾਰ ਦਾ ਫਰਜ਼ ਹੈ।

ਮੁੱਖ ਮੰਤਰੀ ਨੇ ਦੱਸਿਆ ਕਿ ਸ਼ਹੀਦ ਹੋਣ ਵਾਲੇ ਜਵਾਨਾਂ ’ਚ ਰੋਪੜ ਜ਼ਿਲੇ ਨਾਲ ਸਬੰਧ ਰੱਖਦੇ ਕੁਲਵਿੰਦਰ ਸਿੰਘ, ਤਰਨਤਾਰਨ ਨਾਲ ਸਬੰਧ ਰੱਖਦੇ ਸੁਖਜਿੰਦਰ ਸਿੰਘ, ਮੋਗਾ ਨਾਲ ਸਬੰਧ ਰੱਖਦੇ ਜੈਮਲ ਸਿੰਘ ਤੇ ਦੀਨਾਨਗਰ ਨਾਲ ਸਬੰਧ ਰੱਖਦੇ ਮਨਜਿੰਦਰ ਸਿੰਘ ਸ਼ਾਮਲ ਸਨ।

ਉਨ੍ਹਾਂ ਦੁੱਖ ਦੀ ਇਸ ਘੜੀ ਵਿਚ ਪੰਜਾਬ ਸਰਕਾਰ ਵਲੋਂ ਇਨ੍ਹਾਂ ਪਰਿਵਾਰਾਂ ਨੂੰ ਪੂਰਾ ਸਹਿਯੋਗ ਤੇ ਸਮਰਥਨ ਦੇਣ ਦਾ ਐਲਾਨ ਕਰਦਿਆਂ ਕਿਹਾ ਕਿ ਪੰਜਾਬ ਦੇ ਲੋਕ ਇਨ੍ਹਾਂ ਪਰਿਵਾਰਾਂ ਨਾਲ ਖੜ੍ਹੇ ਹਨ।

ਸ਼ਹੀਦਾਂ ਨੂੰ ਸਰਕਾਰੀ ਮਾਣ ਸਨਮਾਨ ਨਾਲ ਅੰਤਿਮ ਵਿਦਾਇਗੀ ਦੇਣ ਦਾ ਫੈਸਲਾ

ਓਧਰ ਦੂਜੇ ਪਾਸੇ ਪੰਜਾਬ ਸਰਕਾਰ ਨੇ ਪੁਲਵਾਮਾ ਸ਼ਹੀਦਾਂ ਨੂੰ ਸਰਕਾਰੀ ਮਾਣ ਸਨਮਾਨ ਨਾਲ ਅੰਤਿਮ ਵਿਦਾਇਗੀ ਦੇਣ ਦਾ ਫੈਸਲਾ ਕੀਤਾ ਹੈ। ਇਸ ਸਬੰਧੀ ਪੰਜਾਬ ਸਰਕਾਰ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਇਨ੍ਹਾਂ ਸ਼ਹੀਦਾਂ ਦੇ ਜੱਦੀ ਜ਼ਿਲਿਆਂ ਦੇ ਡਿਪਟੀ ਕਮਿਸ਼ਨਰਾਂ ਨੂੰ ਇਸ ਸਬੰਧੀ ਨਿਰਦੇਸ਼ ਦਿੱਤੇ ਜਾ ਚੁੱਕੇ ਹਨ। ਡਿਪਟੀ ਕਮਿਸ਼ਨਰਾਂ ਨੂੰ ਸ਼ਹੀਦਾਂ ਦੇ ਅੰਤਿਮ ਸੰਸਕਾਰ ਮੌਕੇ ‘ਗਾਰਡ ਆਫ਼ ਆਨਰ’ ਦਾ ਪ੍ਰਬੰਧ ਕਰਨ ਲਈ ਕਿਹਾ ਗਿਆ ਹੈ।

7 ਸਾਲ ਦੀਆਂ ਮੰਨਤਾਂ ਦੇ ਬਾਅਦ ਪੈਦਾ ਹੋਇਆ ਪੁੱਤਰ, 7 ਮਹੀਨੇ ਹੀ ਮਿਲਿਆ ਫੋਜੀ ਪਿਤਾ ਦਾ ਪਿਆਰ

ਪੁਲਵਾਮਾ ‘ਚ ਬੀਤੇ ਦਿਨੀਂ ਦੇਰ ਸ਼ਾਮ ਫੌਜੀ ਜਵਾਨਾਂ ਨੂੰ ਨਿਸ਼ਾਨਾ ਬਣਾ ਕੇ ਕੀਤੇ ਗਏ ਹਮਲੇ ‘ਚ ਹੁਣ ਤਕ 44 ਦੇ ਕਰੀਬ ਜਵਾਨ ਸ਼ਹੀਦ ਹੋ ਚੁੱਕੇ ਹਨ। ਇਸ ਹਮਲੇ ‘ਚ ਤਰਨਤਾਰਨ ਜ਼ਿਲੇ ਦਾ ਸੁਖਜਿੰਦਰ ਸਿੰਘ ਵੀ ਸ਼ਹੀਦ ਹੋ ਗਿਆ ਹੈ।  ਸੁਖਜਿੰਦਰ ਸਿੰਘ ਪੁੱਤਰ ਗੁਰਮੇਲ ਸਿੰਘ ਵਾਸੀ ਗੰਡੀਵਿੰਡ ਨੇੜੇ ਹਰੀਕੇ ਪੱਤਣ ਜ਼ਿਲਾ ਤਰਨਤਾਰਨ ਦਾ ਵਸਨੀਕ ਸੀ।

ਸੀ ਆਰ. ਪੀ. ਐੱਫ. ਜੰਮੂ-ਕਸ਼ਮੀਰ ‘ਚ ਤਾਇਨਾਤ ਸੀ।ਵੱਡੇ ਭਰਾ ਗੁਰਜੰਟ ਸਿੰਘ ਦੇ ਅਨੁਸਾਰ , 2003 ਵਿੱਚ ਸੀਆਰਪੀਏਫ ਜਵਾਇਨ ਕਰਨ ਦੇ 7 ਸਾਲ ਬਾਅਦ , 2010 ਵਿੱਚ ਸੁਖਜਿੰਦਰ ਸਿੰਘ ਦਾ ਵਿਆਹ ਸਰਬਜੀਤ ਕੌਰ ਦੇ ਨਾਲ ਹੋਇਆ । ਵਿਆਹ ਦੇ ਕਈ ਸਾਲ ਬਾਅਦ ਤੱਕ ਜਦੋਂ ਔਲਾਦ ਨਹੀਂ ਹੋਈ ਤਾਂ ਸਰਬਜੀਤ ਕੌਰ ਨੇ ਪਤੀ ਦੇ ਨਾਲ ਕਈ ਜਗ੍ਹਾ ਮੰਨਤਾਂ ਅਤੇ ਦੁਆਵਾਂ ਮੰਗਿਆ ।

7 ਸਾਲ ਬਾਅਦ , 2018 ਵਿੱਚ ਸੁਖਜਿੰਦਰ ਸਿੰਘ ਨੂੰ ਬੇਟੇ ਦੀ ਖੁਸ਼ੀ ਮਿਲੀ, ਜਿਸਦਾ ਨਾਮ ਉਨ੍ਹਾਂਨੇ ਗੁਰਜੋਤ ਸਿੰਘ ਰੱਖਿਆ । ਹਾਲਾਂਕਿ ਮੰਨਤਾਂ ਦੇ ਬਾਅਦ ਪੈਦਾ ਹੋਏ ਗੁਰਜੋਤ ਸਿੰਘ ਦੇ ਸਿਰ ਤੋਂ ਸਿਰਫ ਸੱਤ ਮਹੀਨੇ ਬਾਅਦ ਹੀ ਪਿਤਾ ਦਾ ਸਾਇਆ ਉਠ ਗਿਆ ।

ਸੁਖਜਿੰਦਰ ਸਿੰਘ ਦਾ ਸੁਫ਼ਨਾ ਸੀ ਕਿ 20 ਸਾਲ ਦੀ ਸਰਵਿਸ ਪੂਰੀ ਹੋ ਜਾਣ ਦੇ ਬਾਅਦ ਉਹ ਪ੍ਰੀ – ਮੇਚਯੋਰ ਰਿਟਾਇਰਮੇਂਟ ਲੈ ਲੈਣਗੇ ਅਤੇ ਆਪਣੇ ਬੇਟੇ ਅਤੇ ਪਤਨੀ ਦੇ ਨਾਲ ਵਿਦੇਸ਼ ਵਿੱਚ ਸੇਟਲ ਹੋ ਜਾਣਗੇ ।ਸੀ. ਆਰ. ਪੀ. ਐੱਫ. ਹੈੱਡਕੁਆਰਟਰ ਜੰਮੂ-ਕਸ਼ਮੀਰ ਤੋਂ ਸੁਖਜਿੰਦਰ ਦੇ ਸ਼ਹੀਦ ਹੋ ਜਾਣ ਦੀ ਸੂਚਨਾ ਮਿਲਣ ਉਪਰੰਤ ਪਰਿਵਾਰ ਵਿਚ ਚੀਕ-ਚਿਹਾੜਾ ਪੈ ਗਿਆ।ਇਹ ਖਬਰ ਸੁਣਦੇ ਹੀ ਪਿੰਡ ਵਿਚ ਸੋਗ ਦੀ ਲਹਿਰ ਫੈਲ ਗਈ।

ਗੁਰਜੰਟ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੇ ਭਰਾ ਸ਼ਹੀਦ ਸੁਖਜਿੰਦਰ ਸਿੰਘ ਦਾ ਫੋਨ ਆਇਆ ਸੀ ਕਿ ‘ਤੇ ਪੁੱਛਿਆ ਸੀ ਕਿ ਉਸਦੀ ਪਤਨੀ ਸਰਬਜੀਤ ਨੂੰ ਪੇਕੇ ਛੱਡ ਆਏ ?…ਫੋਨ ਰੱਖ ਸਮੇ ਉਸਨੇ ਆਖਰੀ ਵਾਰ ਕਿਹਾ ਸੀ ਕਿ ਉਹ ਕਾਰਵਾਈ ‘ਤੇ ਜਾ ਰਿਹਾ ਹੈ ਤੇ ਉਥੇ ਪਹੁੰਚ ਕੇ ਸ਼ਾਮ ਨੂੰ ਫੋਨ ਕਰੇਗਾ । ਪਰ ਸ਼ਾਮ ਨੂੰ ਉਸ ਦੀ ਸ਼ਹਾਦਤ ਦੀ ਖਬਰ ਆਈ।

ਲੁਧਿਆਣਾ ਗੈਂਗਰੇਪ ਦੇ ਮੁਲਜ਼ਮਾਂ ਨੂੰ ਅਦਾਲਤ ਬਾਹਰ ਜੁੱਤੀਆਂ ਨਾਲ ਝੰਬਿਆ

ਲੁਧਿਆਣਾ ਗੈਂਗਰੇਪ ਦੇ ਆਰੋਪੀਆਂ ‘ਤੇ ਜੁੱਤੀਆਂ ਨਾਲ ਹਮਲਾ ਹੋਣ ਦੀ ਖਬਰ ਸਾਹਮਣੇ ਆਈ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਰੇਪ ਕਰਨ ਵਾਲੇ ਆਰੋਪੀ ਦੇ ਜੁੱਤੀ ਵੱਜੀ ਹੈ, ਜਿਨ੍ਹਾਂ ਨੇ ਆਪਣੇ 10 ਹੋਰ ਸਾਥੀਆਂ ਨਾਲ ਮਿਲ ਕੇ ਲੜਕੀ ਨਾਲ ਬਲਾਤਕਾਰ ਕੀਤਾ ਸੀ। ਲੁਧਿਆਣਾ ਗੈਂਗਰੇਪ ਮਾਮਲੇ ਵਿੱਚ ਤਿੰਨਾਂ ਮੁਲਜ਼ਮਾਂ ਨੂੰ ਅੱਜ ਲੁਧਿਆਣਾ ਦੀ ਜ਼ਿਲ੍ਹਾ ਅਦਾਲਤ ’ਚ ਪੇਸ਼ ਕੀਤਾ ਗਿਆ।

ਹਮਲਾ ਕਰਨ ਵਾਲੇ ਯੂਥ ਅਕਾਲੀ ਨੇਤਾ ਦੱਸੇ ਜਾ ਰਹੇ ਹਨ। ਜੁੱਤੀ ਮਾਰਨ ਵਾਲੇ ਯੂਥ ਨੇਤਾ ਦਾ ਨਾਮ ਮੀਤ ਪਾਲ ਹੈ। ਆਰੋਪੀਆਂ ‘ਤੇ ਹਮਲਾ ਉਸ ਸਮੇਂ ਕੀਤਾ ਗਿਆ ਜਦੋਂ ਉਨਾਂ ਨੂੰ ਕੋਰਟ ‘ਚ ਪੇਸ਼ ਕੀਤਾ ਗਿਆ।ਕੋਰਟ ਦੀ ਕਾਰਵਾਈ ਤੋਂ ਬਾਅਦ ਪੁਲਸ ਜਿਵੇਂ ਹੀ ਆਰੋਪੀਆਂ ਨੂੰ ਬਾਹਰ ਲੈ ਕੇ ਆਈ ਤਾਂ ਪਹਿਲਾਂ ਨਾਅਰੇਬਾਜ਼ੀ ਫਿਰ ਜੁੱਤੀ ਨਾਲ ਹਮਲਾ ਕੀਤਾ ਗਿਆ।

ਅਦਾਲਤ ਨੇ ਤਿੰਨਾਂ ਮੁਲਜ਼ਮਾਂ  ਜਗਰੂਪ, ਸਾਈ ਦ ਅਲੀ ਅਤੇ ਸੁਰਮੁ ਨੂੰ ਸੱਤ ਦਿਨ ਦੇ ਪੁਲਿਸ ਰਿਮਾਂਡ ’ਤੇ ਭੇਜ ਦਿੱਤਾ ਹੈ। ਰਿਮਾਂਡ ਦੌਰਾਨ ਕੁਝ ਨੌਜਵਾਨ ਵਕੀਲਾਂ ਤੇ ਅਕਾਲੀ ਦਲ ਦੇ ਵਰਕਰਾਂ ਨੇ ਮੁਲਜ਼ਮਾਂ ’ਤੇ ਹਮਲਾ ਕਰ ਦਿੱਤਾ।

ਨੌਜਵਾਨਾਂ ਨੇ ਮੁਲਜ਼ਮਾਂ ਉੱਤੇ ਜੁੱਤੀਆਂ ਵਰ੍ਹਾਈਆਂ ਤੇ ਨਾਅਰੇਬਾਜ਼ੀ ਕੀਤੀ। ਇਸ ਦੌਰਾਨ ਪੁਲਿਸ ਨੇ ਮੁਸ਼ਕਲ ਨਾਲ ਤਿੰਨਾਂ ਮੁਲਜ਼ਮਾਂ ਨੂੰ ਅਦਾਲਤ ਵਿੱਚੋਂ ਬਾਹਰ ਕੱਢਿਆ। ਗੈਂਗਰੇਪ ਖਿਲਾਫ ਪੰਜਾਬ ਭਰ ਦੇ ਲੋਕਾਂ ‘ਚ ਗੁੱਸਾ ਹੈ ਅਤੇ ਇਹ ਜੁੱਤੀ ਦਾ ਹਮਲਾ ਵੀ ਉਸੇ ਗੁੱਸੇ ਦਾ ਰੂਪ ਹੈ। ਹਾਲਾਂਕਿ ਕਿਸੇ ਨੂੰ ਵੀ ਕਾਨੂੰਨ ਆਪਣੇ ਹੱਥ ‘ਚ ਲੈਣ ਦੀ ਇਜਾਜ਼ਤ ਨਹੀਂ ਹੈ।   ਇਸ ਮਾਮਲੇ ਵਿਚ ਅਜੇ ਵੀ ਮੁਲਜ਼ਮ ਪੁਲਸ ਦੀ ਗ੍ਰਿਫਤ ‘ਚੋਂ ਬਾਹਰ ਹਨ, ਜਿਨ੍ਹਾਂ ਦੀ ਗ੍ਰਿਫਤਾਰੀ ਲਈ ਪੁਲਸ ਵਲੋਂ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।

ਰੱਬ ਇੱਕ ਹੈ… ਤੁਹਾਡੀਆਂ ਅੱਖਾਂ ਖੋਲ ਦੇਵੇਗੀ ਇਹ ਸੱਚੀ ਕਹਾਣੀ

ਪਿਛਲੇ ਦਿਨੀ ਮੈਂ ਤੇ ਮੇਰੀ ਫੈਮਲੀ ਪੰਜਾਬ ਤੋਂ ਸੱਚਖੰਡ ਸ੍ਰੀ ਹਜ਼ੂਰ ਸਾਹਿਬ ਦੇ ਦਰਸ਼ਨਾਂ ਲਈ ਟਰੈਨ ਵਿੱਚ ਸਫਰ ਕਰ ਰਹੇ ਸੀ,  ਮੇਰੇ ਨਾਲ ਇੱਕ ਬਜੁਰਗ ਜਿਹਾ ਬੰਦਾ ਬੈਠਾ ਹੋਇਆ ਸੀ | ਦਿਲ ਵਿੱਚ ਮੈਂ ਇਹ ਸੋਚ ਰਿਹਾ ਸੀ ਇਹ ਕਿਥੇ ਆ ਗਿਆ ਮੇਰੀ ਨਾਲ ਦੀ ਸੀਟ ਤੇ |ਮੈ ਉਸ ਨੂੰ ਕਿਹਾ ਕਿ ਤੁਸੀ ਬਾਬਾ ਜੀ ਸੀਟ ਬਦਲ ਲਓ ਉਸ ਨੇ ਕਿਹਾ ਪੁੱਤ ਤੂੰ ਪੁੱਛ ਲੈ ਜੇ ਕੋਈ ਮੇਨੂੰ ਸੀਟ ਦਿੰਦਾ ਹੈ ਤਾਂ ਮੈਂ ਓਥੇ ਚਲ ਜਾਂਦਾ ਆ |

ਮੈ 2 -4 ਬੰਦਿਆਂ ਨੂੰ ਸੀਟ ਬਦਲਣ ਲਈ ਕਿਹਾ ਪਰ ਸਭ ਨੇ ਮਨਾ ਕਰ ਦਿੱਤਾ |ਮੈਂ ਸਬਰ ਦਾ ਘੁੱਟ ਭਰ ਕੇ ਸੋਚਿਆ ਚਲ ਮਨਾ ਠੀਕ ਆ ਇਸ ਬਾਬੇ ਨਾਲ ਹੀ ਸਫਰ ਕੱਟਣਾ ਪਉ, ਇਹ ਕਹਿ ਕੇ ਮੈਂ ਫੋਨ ਤੇ ਲੱਗ ਪਿਆ| ਮੈਂ ਟਾਈਮ ਪਾਸ ਕਰਨ ਲਈ ਬਾਬੇ ਤੂੰ ਪੁੱਛ ਲਿਆ ਬਾਬਾ ਤੁਹਾਡਾ ਕਿਹੜਾ ਧਰਮ ਹੈ, ਬਾਬਾ ਥੋੜਾ ਜਿਹਾ ਹੱਸਿਆ ਤੇ ਕਿਹਾ ਸਾਡਾ ਕਿਹੜਾ ਧਰਮ ਜੋ ਮਿਲ ਜਾਏ ਉਸ ਧਰਮ ਦੇ ਬਣ ਜਾਈਦਾ |

ਪਹਿਲਾ ਤਾਂ ਮੈਂ ਸੋਚਿਆ ਬਾਬਾ ਪਾਗ਼ਲ ਲੱਗਦਾ ਜੋ ਇੱਦਾ ਦਾ ਜਵਾਬ ਦੇ ਰਿਹਾ ਹੈ | ਬਾਬੇ ਨੇ ਕਿਹਾ ਤੁਸੀ ਸਿੱਖ ਆ ਤੇ ਮੈਂ ਵੀ ਸਿੱਖ ਆ | ਮੈਂ ਕਿਹਾ ਬਾਬਾ ਜੀ ਜੇ ਮੈਂ ਹਿੰਦੂ ਜਾ ਮੁਸਲਿਮ ਹੁੰਦਾ ਤਾਂ ਤੁਸੀ ਵੀ ਹਿੰਦੂ ਤੇ ਮੁਸਲਿਮ ਹੋਣਾ ਸੀ , ਬਾਬੇ ਨੇ ਕਿਹਾ ਪੁੱਤ ਹਾਂ | ਮੈਂ ਕਿਹਾ ਬਾਬਾ ਇੱਦਾ ਨੀ ਹੁੰਦਾ ਕਦੀ ਵੀ ਜੇ ਤੂੰ ਸਿੱਖ ਆ ਤੇ ਸਿੱਖ ਬਣ ਕੇ ਰਹਿ ਜੇ ਹਿੰਦੂ ਆ ਤਾਂ ਹਿੰਦੂ ਤੇ ਜੇ ਮੁਸਲਿਮ ਆ ਤਾਂ ਮੁਸਲਿਮ ਬਣ ਕੇ ਰਹਿ |

ਬਾਬੇ ਨੇ ਕਿਹਾ ਪੁੱਤ ਇੱਕ ਗੱਲ ਦਸ ਰੱਬ ਤੇ ਤੈਨੂੰ ਪਹਿਲਾ ਦਸ ਕੇ ਭੇਜਿਆ ਸੀ ਕਿ ਤੂੰ ਕਿਸ ਧਰਮ ਵਿੱਚ ਜਨਮ ਲੈਣਾ. ਮੇਰੇ ਕੋਲ ਉਸ ਦਾ ਕੋਈ ਜਵਾਬ ਨਹੀਂ ਸੀ, ਮੈਂ ਸੋਚਿਆ ਬਾਬਾ ਬੁੱਢੇ ਜਿਹਾ ਹੈ ਤੇ ਉਸ ਨੂੰ ਜਿਹੜਾ ਕੋਈ ਖਾਣ ਨੂੰ ਦੇ ਦਿੰਦਾ ਤੋਂ ਉਹ ਉਸ ਧਰਮ ਦਾ ਹੀ ਬਣ ਜਾਂਦਾ ਹੋਣਾ ਆ ਮੈਂ ਬਾਬੇ ਨੂੰ ਕਿਹਾ ਥੋੜਾ ਦੱਸੋ ਤੁਸੀ ਕਿ ਕਰਦੇ ਹੋ? ਤੇ ਕਿਥੇ ਜਾ ਰਹੇ ਹੋ?

ਬਾਬੇ ਨੇ ਕਿਹਾ ਪੁੱਤ ਮੇਰਾ ਨਾਮ ਬਲਵੰਤ ਸਿੰਘ ਹੈ ਤੇ  ਉਹ ਆਈ.ਆਈ.ਟੀ. ਦਿੱਲੀ ਤੋਂ ਪ੍ਰੋਫੈਸਰ ਰਿਟਾਇਰ ਹੈ, ਤੇ ਉਸ ਦੇ ਦੋ ਬੇਟੇ ਤੇ ਇੱਕ ਬੇਟੀ ਸੀ ਜੋ ਕੈਨੇਡਾ, ਅਮਰੀਕਾ ਸੈੱਟ ਹਨ | ਉਸ ਕੋਲ ਕੋਈ 3 ਕਰੋੜ ਦੀ ਜਾਇਦਾਦ ਸੀ ਜੋ ਕਿ ਉਹ ਅਨਾਥ ਆਸ੍ਰਮ ਨੂੰ ਦਾਨ ਦੇ ਚੁਕਿਆ ਹੈ ਤੇ ਜੋ ਉਸ ਨੂੰ ਪੈਨਸਨ ਆਉਂਦੀ ਹੈ ਉਹ ਉਸ ਚ 10000 ਲੈ ਕੇ ਬਾਕੀ ਸਾਰੀ ਗਰੀਬ ਨੂੰ ਵੰਡ ਦਿੰਦਾ ਹੈ , ਇਹ ਸੁਣ ਕੇ ਮੈਂ ਹੈਰਾਨ ਹੋ ਕੇ ਉਸ ਵਲ ਦੇਖ ਰਿਹਾ ਸੀ |

ਓਹਨਾ ਨੇ ਕਿਹਾ ਕਿ ਪੁੱਤ ਰੱਬ ਇੱਕ ਹੈ , ਇਹ ਧਰਮ ਇਨਸਾਨ ਨੇ ਆਪਣੇ ਫਾਇਦੇ ਲਈ ਬਣਾਏ ਹਨ, ਜਦੋ ਤੁਸੀ ਪੈਦਾ ਹੁੰਦੇ ਹੋ ਇਨਸਾਨ ਤੁਹਾਨੂੰ ਧਰਮ ਦਿੰਦਾ ਹੈ ਨਾ ਕਿ ਰੱਬ |ਓਹਨਾ ਨੇ ਇੱਕ ਵੀ ਕਿਹਾ ਰੱਬ ਦਾ ਕੋਈ ਧਰਮ ਨਹੀਂ ਹੈ, ਇਨਸਾਨ ਕਦੀ ਰੱਬ ਨਹੀਂ ਬਣ ਸਕਦਾ ਤੇ ਜੋ ਤੁਹਾਨੂੰ ਇਹ ਕਹਿ ਰਿਹਾ ਹੈ ਕਿ ਮੈਨੂੰ ਰੱਬ ਦੇ ਦਰਸ਼ਨ ਹੋਏ ਹਨ ਤਾਂ ਉਹ ਤੁਹਾਨੂੰ ਗੁੰਮਰਾਹ ਕਰ ਰਿਹਾ ਹੈ | ਤੇ ਜਿਸ ਇਨਸਾਨ ਨੂੰ ਰੱਬ ਦਾ ਅਹਿਸਾਸ ਹੋ ਜਾਂਦਾ ਹੈ ਉਹ ਦੁਨੀਆ ਦਾਰੀ ਭੁੱਲ ਜਾਂਦੇ ਨੇ ,

ਉਹ ਤੁਹਾਨੂੰ ਦੱਸਣਗੇ ਵੀ ਨਹੀਂ ਕਿ ਸਾਨੂੰ ਰੱਬ ਦਾ ਅਹਿਸਾਸ ਹੋਇਆ ਹੈ ਉਹ ਬਸ ਆਪਣੇ ਅੰਦਰ ਹੀ ਖੁਸ਼ ਰਹਿਣਗੇ |ਇਹ ਸੁਣ ਮੈ ਆਪਣੀ ਜ਼ਿੰਦਗੀ ਵਿੱਚ ਇਹ ਸਭ ਨੂੰ ਫ਼ੋਲੋ ਕੀਤਾ ਤੇ ਆਪਣੀ ਲਾਈਫ ਵਿੱਚ ਇੱਕ ਵੱਡਾ ਬਦਲਾਅ ਦੇਖਿਆ ,ਉਹ ਬਾਬਾ ਤਾਂ ਪਤਾ ਨੀ ਕੌਣ ਸੀ ਪਰ ਉਹ ਸਿਖ ਬਹੁਤ ਵੱਡੀ ਦੇ ਗਿਆ…..