NRI PUNJABI

ਪ੍ਰਧਾਨ ਮੋਦੀ ਦੇ ਗ੍ਰਹਿ ਸੂਬੇ ਗੁਜਰਾਤ ਤੋਂ ਦਿਲ ਦਹਿਲਾ ਦੇਣ ਵਾਲੀ ਖਬਰ ਆਈ ਹੈ। ਗੁਜਰਾਤ ਦੇ ਭਾਵਨਗਰ ਜ਼ਿਲੇ ਦੇ 5000 ਹਜ਼ਾਰ ਤੋਂ ਵੱਧ ਕਿਸਾਨਾਂ ਨੇ ਸਰਕਾਰ ਤੋਂ ਇੱਛੁਕ ਮੌਤ ਮੰਗੀ ਹੈ। ਇਹ ਕਿਸਾਨ ਬਿਜਲੀ ਕੰਪਨੀ ਵੱਲੋਂ ਜ਼ਮੀਨ ਖੋਹਣ ਦੀਆਂ ਕੋਸ਼ਿਸ਼ਾਂ ਦਾ ਵਿਰੋਧ ਕਰ ਰਹੇ ਹਨ।

ਕਿਸਾਨ ਆਗੂ ਨੇ ਦੱਸਿਆ ਕਿ ਸਰਕਾਰੀ ਬਿਜਲੀ ਕੰਪਨੀ ਕਿਸਾਨਾਂ ਦੀ ਜ਼ਮੀਨ ਹਾਸਲ ਕਰਨ ਦੀਆਂ ਕੋਸ਼ਿਸ਼ਾਂ ਕਰ ਰਹੀ ਹੈ। ਕਿਸਾਨ ਇਸ ਦਾ ਵਿਰੋਧ ਕਰ ਰਹੇ ਹਨ ਪਰ ਸਰਕਾਰ ਧੱਕੇ ‘ਤੇ ਉੱਤਰ ਆਈ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਪੀੜਤ ਲੋਕਾਂ ਨੇ ਸਰਕਾਰ ਤੋਂ ਇੱਛੁਕ ਮੌਤ ਦੀ ਪ੍ਰਵਾਨਗੀ ਮੰਗੀ ਹੈ।

ਕਿਸਾਨਾਂ ਦੇ ਹੱਕਾਂ ਲਈ ਲੜ ਰਹੀ ਜਥੇਬੰਦੀ ਗੁਜਰਾਤ ਖੇਦੁਤ ਸਮਾਜ ਦੇ ਮੈਂਬਰ ਨਰਿੰਦਰਸਿਹੁੰ ਗੋਹਿਲ ਨੇ ਆਖਿਆ ‘‘12 ਪਿੰਡਾਂ ਦੇ ਕੁੱਲ 5259 ਲੋਕਾਂ ਜਿਨ੍ਹਾਂ ਵਿੱਚ ਕਿਸਾਨ ਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਸ਼ਾਮਲ ਹਨ, ਨੇ ‘‘ਇੱਛਾ ਮ੍ਰਿਤੂ’’ ਮੰਗੀ ਹੈ ਕਿਉਂਕਿ ਜਿਸ ਜ਼ਮੀਨ ’ਤੇ ਉਹੀ ਖੇਤੀ ਕਰਦੇ ਹਨ, ਉਹ ਰਾਜ ਸਰਕਾਰ ਤੇ ਗੁਜਰਾਤ ਪਾਵਰ ਕਾਰਪੋਰੇਸ਼ਨ ਲਿਮਟਿਡ (ਜੀਪੀਸੀਐਲ) ਜਬਰੀ ਖੋਹੀ ਜਾ ਰਹੀ ਹੈ।’’

ਉਨ੍ਹਾਂ ਦਾਅਵਾ ਕੀਤਾ ਕਿ ਇਨ੍ਹਾਂ ਕਿਸਾਨਾਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਵੱਲੋਂ ਇਹ ਪੱਤਰ ਭਾਰਤ ਦੇ ਰਾਸ਼ਟਰਪਤੀ, ਪ੍ਰਧਾਨ ਮੰਤਰੀ ਤੇ ਗੁਜਰਾਤ ਦੇ ਮੁੱਖ ਮੰਤਰੀ ਨੂੰ ਭੇਜਿਆ ਗਿਆ ਹੈ। ਭਾਵਨਗਰ ਦੇ ਡਿਪਟੀ ਕਮਿਸ਼ਨਰ ਹਰਸ਼ਦ ਪਟੇਲ ਨੇ ਕਿਹਾ ਕਿ ਕਿਸਾਨਾਂ ਨੇ ਇਹ ਪੱਤਰ ਰਜਿਸਟਰੀ ਬ੍ਰਾਂਚ ਵਿਚ ਪਾਏ ਸਨ।

ਗੋਹਿਲ ਨੇ ਕਿਹਾ ਕਿ ਭੌਂ ਪ੍ਰਾਪਤੀ ਕਾਨੂੰਨ, 2013 ਤਹਿਤ ਕੋਈ ਕੰਪਨੀ ਕਿਸੇ ਜ਼ਮੀਨ ਦਾ ਕਬਜ਼ਾ ਪੰਜ ਸਾਲਾਂ ਤੋਂ ਜ਼ਿਆਦਾ ਸਮਾਂ ਨਹੀਂ ਰੱਖ ਸਕਦੀ। ਜ਼ਮੀਨ ’ਤੇ ਕਬਜ਼ੇ ਲਈ ਉਸ ਨੂੰ ਨਵੇਂ ਸਿਰਿਓਂ ਜ਼ਮੀਨ ਐਕੁਆਇਰ ਕਰਨੀ ਪਵੇਗੀ।’’

ਦੋ ਤਿੰਨ ਦਿਨ ਪਹਿਲਾ ਇਸ ਮੁੰਡੇ ਨੇ ਆਪਣੀ ਕਣਕ ਨੂੰ ਅੱਗ ਲਾ ਦਿੱਤੀ ।ਵੀਡੀਓ ਤਾ ਬਣਾਈ ਇਸ ਨੇ ਅੱਗ ਲਾਉਦੇ ਸਮੇਂ ਪਰ ਉਸ ਵੀਡੀਓ “ਚ ਆਪਣਾ ਦੁੱਖ ਨਾ ਦੱਸ ਸਕਿਆ ਹਲਾਕਿ ਉਸਦੇ ਚੇਹਰੇ ਮੋਹਰੇ ਤੋ ਉਹ ਬਹੁਤ ਪਰੇਸ਼ਾਨ ਦਿਖ ਰਿਹਾ ਸੀ ਪਹਿਲੀ ਵੀਡੀਓ “ਚ ।

ਜਦ ਭਾਈ ਸਾਹਿਬ ਨੇ ਜਥੇ ਨਾਲ ਪਹੁੰਚ ਕਿ ਸਾਰੀ ਗੱਲਬਾਤ ਪਤਾ ਕੀਤੀ ਤੇ ਪਤਾ ਲੱਗਾ ਕਾਫੀ ਵੱਡੀ ਪਰੇਸ਼ਾਨੀ “ਚ ਮੁੰਡਾ ਅਤੇ ਉਸਦਾ ਪਰਿਵਾਰ ਲੰਘ ਰਹੇ ਸੁਣੋ ਭਾਈ ਖੋਸੇ ਤੋ ਸਾਰੀ ਗੱਲਬਾਤ । ਬਾਕੀ ਜਦ ਤਕ ਪੂਰੀ ਗੱਲਬਾਤ ਨਾ ਪਤਾ ਹੋਵੇ ਕਿਸੇ ਨੂੰ ਨੀਵਾਂ ਦਿਖਾਉਣ ਲਈ ਮਾੜਾ ਸ਼ਬਦ ਨਾ ਵਰਤਿਆ ਕਰੋ।

ਪਹਿਲੀ ਵੀਡੀਓ ਤੇ ਕਾਫੀ ਲੋਕਾਂ ਨੇ ਇਸ ਮੁੰਡੇ ਨੂੰ ਪਾਗਲ ਮੈਂਟਲ ਤੇ ਹੋਰ ਕੁਝ ਅਪਸ਼ਬਦ ਵਰਤੇ ਜੋ ਨਹੀ ਬੋਲਣੇ ਚਾਹੀਦੇ ਸੀ।।ਇਵੇ ਨਾ ਬੋਲਿਆ ਕਰੋ ਪਤਾ ਨਹੀ ਕੋਈ ਕਿਸ ਪੀੜਾ ਵਿੱਚੋ ਲੰਘ ਰਿਹਾ ਹੁੰਦਾ ।

ਸਿੱਖੀ ਭਾਵਨਾ ਵਾਲੇ ਵਿਰ ਨੇ ਲਗਾੲੀ ਸੀ ਕਣਕ ਨੂੰ ਅੱਗ ..ਸਿੱਖ ਸੰਗਤ ਨੇ ਕੀਤੀ ਨੌਜਵਾਨ ਦੀ 1.5 ਲੱਖ ਰੁਪੲੇ ਨਾਲ ਮਾਲੀ ਮਦਦ ..  ਭਾੲੀ ਖੋਸਾ ਨੇ SGPC ਤੇ ਵੀ ਸਾਧੇ ਤਿੱਖੇ ਨਿਸ਼ਾਨੇ ..

ਦੇਸ਼ ‘ਚ ਪਿਛਲੇ ਇਕ ਹਫ਼ਤੇ ਤੋਂ ਨਕਦੀ ਦੀ ਕਮੀ ਚਲ ਰਹੀ ਹੈ। ਹੁਣ ਬੈਂਕਾਂ ‘ਚ ਲੰਮੀਆਂ ਛੁੱਟੀਆਂ ਵੀ ਹੋਣ ਵਾਲੀਆਂ ਹਨ। ਦਰਅਸਲ ਮਹੀਨੇ ਦੇ ਅਖ਼ੀਰ ‘ਚ ਬੈਂਕ ਲਗਾਤਾਰ ਚਾਰ ਦਿਨ ਬੰਦ ਰਹਿਣਗੇ। ਇਸ ਦਾ ਸਿੱਧਾ ਅਸਰ ਏਟੀਐਮਜ਼ ਸਰਵਿਸਿਜ਼ ਤੋਂ ਲੈ ਕੇ ਬੈਂਕਿੰਗ ਸਰਵਿਸਿਜ਼ ‘ਤੇ ਪੈ ਸਕਦਾ ਹੈ।

ਬੈਂਕ 28 ਤੋਂ 1 ਤਕ ਲਗਾਤਾਰ ਚਾਰ ਬੰਦ ਰਹਿਣਗੇ। 28 ਅਪ੍ਰੈਲ ਨੂੰ ਮਹੀਨੇ ਦਾ ਚੌਥਾ ਸ਼ਨਿਚਰਵਾਰ ਹੈ ਉਥੇ ਹੀ, ਅਗਲੇ ਦਿਨ ਐਤਵਾਰ ਹੈ। ਸੋਮਵਾਰ ਨੂੰ ਵੀ ਬੁੱਧ ਪੂਰਨਮਾਸ਼ੀ ਅਤੇ  1 ਮਈ ਨੂੰ ਮਜਦੂਰ ਦਿਵਸ ਦੀ ਛੁੱਟੀ ਹੋਣ ਕਾਰਨ ਬੈਂਕ ਬੰਦ ਰਹਿਣਗੇ।

ਪਿਛਲੇ ਦਿਨੀਂ ਲਗਭਗ 8 ਰਾਜਾਂ ਦਿੱਲੀ – ਐਨਸੀਆਰ, ਉੱਤਰ ਪ੍ਰਦੇਸ਼, ਗੁਜਰਾਤ, ਬਿਹਾਰ, ਤੇਲੰਗਾਨਾ, ਝਾਰਖੰਡ, ਮਹਾਰਾਸ਼ਟਰ ਅਤੇ ਮੱਧ ਪ੍ਰਦੇਸ਼ ‘ਚ ਨਕਦੀ ਦਾ ਸੰਕਟ ਰਿਹਾ। ਏਟੀਐਮ ‘ਚ ਨਕਦੀ ਨਾ ਮਿਲਣ ਦੀਆਂ ਸ਼ਿਕਾਇਤਾਂ ਮਿਲੀਆਂ ਸਨ।

ਤਿੰਨ ਦਿਨ ਛੁੱਟੀ ਹੋਣ ਕਾਰਨ ਸ਼ੁਕਰਵਾਰ ਤੋਂ ਬਾਅਦ ਏਟੀਐਮਜ਼ ‘ਚ ਨਕਦੀ ਨਹੀਂ ਮਿਲੇਗੀ। ਅਜਿਹੇ ‘ਚ ਲੋਕਾਂ ਨੂੰ ਇਕ ਵਾਰ ਫਿਰ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਲੰਮੀਆਂ ਛੁੱਟੀਆਂ ਹੋਣ ‘ਤੇ ਉਂਜ ਤਾਂ ਬੈਂਕ ਵਾਧੂ ਨਕਦੀ ਦਾ ਇੰਤਜ਼ਾਮ ਕਰਦੇ ਹਨ ਪਰ ਪਿਛਲੇ ਦਿਨੀਂ ਦੇ ਅਨੁਭਵ ਤੋਂ ਲਗਦਾ ਹੈ ਕਿ ਸਥਿਤੀ ਵਿਗੜ ਸਕਦੀ ਹੈ।

ਦੇਸ਼ ਦੇ ਕਈ ਹਿਸਿਆਂ ‘ਚ ਏਟੀਐਮਜ਼ ਖ਼ਾਲੀ ਹੋਣ ‘ਤੇ ਸਰਕਾਰ ਨੂੰ ਕਈ ਵਾਰ ਸਫ਼ਾਈ ਦੇਣੀ ਪਈ ਸੀ।ਆਰਬੀਆਈ ਅਤੇ ਐਸਬੀਆਈ ਨੇ ਵੀ ਨਕਦੀ ਦੀ ਕਮੀ ਨਾ ਹੋਣ ਦੀ ਗੱਲ ਕਹੀ ਸੀ। ਨਾਲ ਹੀ ਜਿਨ੍ਹਾਂ ਇਲਾਕਿਆਂ ਤੋਂ ਸ਼ਿਕਾਇਤਾਂ ਮਿਲ ਰਹੀਆਂ ਸਨ ਉੱਥੇ ਵਾਧੂ ਨਕਦੀ ਵੀ ਭੇਜੀ ਗਈ ਸੀ।

ਗੜਸ਼ੰਕਰ/ਪਾਕਿਸਤਾਨ— ਵਿਸਾਖੀ ਮਨਾਉਣ ਜਥੇ ਦੇ ਨਾਲ ਪਾਕਿਸਤਾਨ ਗਈ ਕਿਰਨ ਬਾਲਾ ਉਰਫ ਆਮਨਾ ਸ਼ਰੀਫ ਵੱਲੋਂ ਇਸਲਾਮ ਕਬੂਲ ਕਰਕੇ ਵਿਆਹ ਕਰਨ ਦੇ ਮਾਮਲੇ ‘ਚ ਨਵਾਂ ਖੁਲਾਸਾ ਹੋਇਆ ਹੈ। ਕਿਰਨ ਬਾਲਾ ਉਰਫ ਆਮਨਾ ਬੀਬੀ ਦੀ ਸੱਸ ਬਿਸ਼ਨ ਕੌਰ ਨੇ ਪ੍ਰੈੱਸ ਕਾਨਫਰੰਸ ਕਰਕੇ ਦੋਸ਼ ਲਗਾਇਆ ਕਿ ਕਿਰਨ ਦੇ ਆਪਣੇ ਸਹੁਰੇ ਤਰਸੇਮ ਸਿੰਘ ਦੇ ਨਾਲ ਨਾਜਾਇਜ਼ ਸੰਬੰਧ ਸਨ।

ਉਹ ਦੋਵੇਂ ਇਕ ਹੀ ਕਮਰੇ ‘ਚ ਸੌਂਦੇ ਸਨ। ਉਸ ਨੇ ਦੱਸਿਆ ਕਿ ਪਹਿਲਾਂ ਤਾਂ ਉਹ ਲੋਕ ਪਰਿਵਾਰ ਦੀ ਬਦਨਾਮੀ ਕਰਕੇ ਚੁੱਪ ਰਹੇ ਪਰ ਹੁਣ ਜਦੋਂ ਉਸ ਦਾ ਪਤੀ ਕਿਰਨ ਦੇ ਬੱਚਿਆਂ ਦੇ ਨਾਂ ‘ਤੇ ਲੋਕਾਂ ਤੋਂ ਹਰਮਦਰਦੀ ਲੈ ਕੇ ਵਿਦੇਸ਼ਾਂ ਤੋਂ ਪੈਸੇ ਮੰਗਵਾਉਣ ਲੱਗਾ ਤਾਂ ਉਸ ਨੇ ਉਸ ਦੇ ਖਿਲਾਫ ਬੋਲਣ ਦਾ ਸਾਹਸ ਕੀਤਾ।

ਪੁੱਤ ਦੀ ਮੌਤ ਹੋਣ ‘ਤੇ ਹੋਇਆ ਸੀ ਕਿਰਨ ‘ਤੇ ਸ਼ੱਕ

ਬਿਸ਼ਨ ਕੌਰ ਨੇ ਦੱਸਿਆ ਕਿ ਉਸ ਦੇ ਬੇਟੇ ਨਰਿੰਦਰ ਦਾ ਕਿਰਨ ਨਾਲ ਸਾਲ 2005 ‘ਚ ਵਿਆਹ ਹੋਇਆ ਸੀ। ਤਿੰਨੋਂ ਬੱਚੇ ਕਿਰਨ ਦੇ ਹੀ ਹਨ। 2013 ‘ਚ ਨਰਿੰਦਰ ਦੀ ਸੜਕ ਹਾਦਸੇ ‘ਚ ਮੌਤ ਹੋ ਗਈ ਸੀ। ਉਸ ਨੇ ਅੱਗੇ ਦੱਸਿਆ ਕਿ ਪੁੱਤ ਦੀ ਮੌਤ ਤੋਂ ਬਾਅਦ ਕਿਰਨ ‘ਤੇ ਸ਼ੱਕ ਹੋਇਆ ਕਿ ਸ਼ਾਇਦ ਇਹ ਸਭ ਉਸ ਨੇ ਕਰਵਾਇਆ ਹੋਵੇ ਪਰ ਉਹ ਆਪਣੀ ਇੱਜ਼ਤ ਦੇ ਕਾਰਨ ਚੁੱਪ ਰਹੇ।

ਪਤੀ ਦੀ ਮੌਤ ਦੇ ਬਾਅਦ ਕਿਰਨ ਜਦੋਂ ਪੇਕੇ ਘਰ ਚਲੀ ਗਈ ਸੀ ਤਾਂ ਸਹੁਰਾ ਤਰਸੇਮ ਸਿੰਘ ਆਪਣੀ ਜ਼ਿੰਮੇਵਾਰੀ ‘ਤੇ ਉਸ ਨੂੰ ਘਰ ਵਾਪਸ ਲੈ ਆਇਆ ਅਤੇ ਦੋਵੇਂ ਇਕ ਹੀ ਕਮਰੇ ‘ਚ ਰਹਿਣ ਲੱਗੇ। ਉਸ ਨੇ ਦੱਸਿਆ ਕਿ ਇਹ ਹੀ ਨਹੀਂ ਦੋਹਾਂ ਨੇ ਸਾਜਿਸ਼ ਦੇ ਤਹਿਤ ਪੂਰੇ ਪਰਿਵਾਰ ਨੂੰ ਬੇਦਖਲ ਕਰਕੇ ਉਸ ਨੂੰ ਘਰੋਂ ਕੱਢ ਦਿੱਤਾ। ਬਿਸ਼ਨ ਕੌਰ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਕਿਰਨ ਨੂੰ ਪਾਕਿਸਤਾਨ ਭੇਜਣ ਵਾਲਾ ਵੀ ਉਸ ਦਾ ਪਤੀ ਤਰਸੇਮ ਸਿੰਘ ਹੀ ਹੈ।

ਉਥੇ ਹੀ ਦੂਜੇ ਪਾਸੇ ਤਰਸੇਮ ਸਿੰਘ ਨੇ ਪਤਨੀ ਬਿਸ਼ਨ ਕੌਰ ਵੱਲੋਂ ਲਗਾਏ ਗਏ ਦੋਸ਼ਾਂ ਨੂੰ ਨਕਾਰ ਦਿੱਤਾ ਹੈ। ਉਸ ਨੇ ਕਿਹਾ ਕਿ ਉਹ ਦੋਵੇਂ ਇਕੋ ਕਮਰੇ ‘ਚ ਸੌਂਦੇ ਜ਼ਰੂਰ ਸਨ ਪਰ ਉਨ੍ਹਾਂ ‘ਚ ਕੋਈ ਵੀ ਨਾਜਾਇਜ਼ ਸੰਬੰਧ ਨਹੀਂ ਹਨ। ਇਸ ਦੇ ਨਾਲ ਹੀ ਤਰਸੇਮ ਨੇ ਕਿਹਾ ਕਿ ਉਸ ਦੀ ਪਤਨੀ ਇਸ ਕਰਕੇ ਝੂਠ ਬੋਲ ਰਹੀ ਹੈ ਕਿਉਂਕਿ ਉਸ ਨੇ ਉਸ ਨੂੰ ਬੇਦਖਲ ਕਰ ਦਿੱਤਾ ਹੋਇਆ ਹੈ।

ਫੋਰਡ ਇੰਡੀਆ ਨੇ ਨਵੀਂ ਕਰਾਸ ਹੈਚਬੈਕ ਫ੍ਰੀਸਟਾਇਲ ਨੂੰ ਅੱਜ ਦਿੱਲੀ ‘ਚ ਲਾਂਚ ਕਰ ਦਿੱਤੀ ਗਈ ਹੈ। ਨਵੀਂ ਫ੍ਰੀਸਟਾਇਲ ਪੈਟਰੋਲ ਅਤੇ ਡੀਜ਼ਲ ਇੰਜਣ ‘ਚ ਉਪਲੱਬਧ ਹੋਵੇਗੀ ਇਸ ਦੇ ਪੈਟਰੋਲ ਅਤੇ ਡੀਜ਼ਲ ‘ਚ 4-4 ਵੇਰੀਐਂਟ ਮਿਲਣਗੇ।

ਫੋਰਡ ਫ੍ਰੀਸਟਾਇਲ ਦੇ ਪੈਟਰੋਲ ਮਾਡਲ ਦੀ ਕੀਮਤ 5.09 ਲੱਖ ਰੁਪਏ ਤੋਂ ਲੈ ਕੇ 6.94 ਲੱਖ ਰੁਪਏ ਦੇ ਵਿਚਕਾਰ ਹੈ ਜਦ ਕਿ ਇਸ ਦੀ ਡੀਜ਼ਲ ਮਾਡਲ ਦੀ ਕੀਮਤ 6.09 ਲੱਖ ਰੁਪਏ ਤੋਂ ਲੈ ਕੇ 7.89 ਲੱਖ ਰੁਪਏ ਦੇ ਵਿਚਕਾਰ ਹੈ।

ਇੰਜਣ ਦੀ ਗੱਲ ਕਰੀਏ ਤਾਂ ਫੋਰਡ ਫ੍ਰੀਸਟਾਇਲ ‘ਚ ਪੈਟਰੋਲ ਅਤੇ ਡੀਜ਼ਲ ਦੋਨਾਂ ਇੰਜਣਾਂ ਦੀ ਆਪਸ਼ਨ ਮਿਲੇਗੀ। ਪੈਟਰੋਲ ਵੇਰੀਐਂਟ ‘ਚ ਡ੍ਰੈਗਨ ਫੈਮਿਲੀ ਦਾ ਨਵਾਂ 1.2 ਲਿਟਰ 3-ਸਿਲੈਂਡਰ ਇੰਜਣ ਮਿਲੇਗਾ, ਜੋ ਕਿ 96 ਪੀ. ਐੱਸ. ਦੀ ਪਾਵਰ ਅਤੇ 120 ਐੱਨ. ਐੱਮ. ਦਾ ਟਾਰਕ ਦੇਵੇਗਾ। ਸਵਿਫਟ ਦੇ ਮੁਕਾਬਲੇ ਇਸਦਾ ਇੰਜਣ ਵੱਡਾ ਤੇ ਜ਼ਿਆਦਾ BHP ਪੈਦਾ ਕਰਦਾ ਹੈ

ਇਸ ਦੀ ਮਾਇਲੇਜ ਦਾ ਦਾਅਵਾ 19 ਕਿ. ਮੀ ਪ੍ਰਤੀ ਲਿਟਰ ਹੈ। ਡੀਜ਼ਲ ਵੇਰੀਐਂਟ ‘ਚ ਐਸਪਾਇਰ ਅਤੇ ਈਕੋਸਪੋਰਟ ਵਾਲਾ 1.5 ਲਿਟਰ ਇੰਜਣ ਮਿਲੇਗਾ, ਜੋ 100 ਪੀ. ਐੈੱਸ. ਦੀ ਪਾਵਰ ਅਤੇ 215 ਐੱਨ. ਐੱਮ ਦਾ ਟਾਰਕ ਦੇਵੇਗਾ। ਇਸ ਦੇ ਮਾਇਲੇਜ ਦਾ ਦਾਅਵਾ 24.4 ਕਿ. ਮੀ ਪ੍ਰਤੀ ਲਿਟਰ ਹੈ।

ਫੀਚਰਸ ਦੀ ਗੱਲ ਕਰੀਏ ਤਾਂ ਕਾਰ ‘ਚ ਐਂਡ੍ਰਾਇਡ ਆਟੋ ਅਤੇ ਐਪਲ ਕਾਰਪਲੇਅ ਕੁਨੈੱਕਟੀਵਿਟੀ ਸਪੋਰਟ ਕਰਨ ਵਾਲੀ ਫੋਰਡ ਦਾ ਸਿੰਕ3 6.5 ਇੰਚ ਟੱਚ-ਸਕ੍ਰੀਨ ਇੰਫੋਟੇਂਮੈਂਟ ਸਿਸਟਮ, ਪੁੱਸ਼ ਬਟਨ ਸਟਾਰਟ, ਕੀ-ਲੈੱਸ ਐਂਟਰੀ, ਆਟੋ ਹੈੱਡਲੈਂਪਸ, ਰੇਨ-ਸੈਂਸਿੰਗ ਵਾਇਪਰਸ, 15 ਇੰਚ ਅਲੌਏ ਵ੍ਹੀਲ, ਮੈਟਾਲਿਕ ਰੂਫ ਰੇਲਸ ਅਤੇ ਆਟੋ ਏ. ਸੀ. ਜਿਹੇ ਫੀਚਰਸ ਮਿਲਣਗੇ।

ਜਦ ਕਿ ਸੇਫਟੀ ਫੀਚਰਸ ਦੇ ਤੌਰ ‘ਤੇ ਇਸ ‘ਚ 6 ਏਅਰਬੈਗ, ਐਂਟੀ-ਲਾਕ ਬ੍ਰੇਕਿੰਗ ਸਿਸਟਮ (ਏ. ਬੀ. ਐੱਸ), ਇਲੈਕਟ੍ਰਾਨਿਕ ਬ੍ਰੇਕ ਫੋਰਸ ਡਿਸਟਰੀਬਿਊਸ਼ਨ (ਈ. ਬੀ. ਡੀ), ਐਕਟਿਵ ਰੋਲਓਵਰ ਪ੍ਰੋਟੈਕਸ਼ਨ, ਹਿੱਲ ਲਾਂਚ ਅਸਿਸਟ, ਇਲੈੱਕਟ੍ਰਾਨਿਕ ਸਟੇਬੀਲਿਟੀ ਪ੍ਰੋਗਰਾਮ, ਟ੍ਰੈਕਸ਼ਨ ਕੰਟਰੋਲ ਸਿਸਟਮ, ਰਿਅਰ ਵਿਊ ਕੈਮਰਾ ਅਤੇ ਐਮਰਜੈਂਸੀ ਅਸਿਸਟੇਂਸ ਜਿਹੇ ਫੀਚਰ ਮੌਜੂਦ ਹਨ।

ਮਸ਼ਹੂਰ ਪਾਲੀਵੁੱਡ ਐਕਟਰ ਜਿੰਮੀ ਸ਼ੇਰਗਿੱਲ ਇੰਡਸਟਰੀ ‘ਚ ਆਪਣੀ ਸ਼ਾਨਦਾਰ ਐਕਟਿੰਗ ਲਈ ਜਾਣੇ ਜਾਂਦੇ ਹਨ, ਜਿੰਮੀ ਨੂੰ ਐਕਟਿੰਗ ਦੇ ਨਾਲ-ਨਾਲ ਗੱਡੀਆਂ ਨਾਲ ਵੀ ਖਾਸ ਲਗਾਅ ਹੈ।ਖਾਸ ਤੌਰ ‘ਤੇ ਐੱਸ. ਯੂ. ਵੀ. ਉਨ੍ਹਾਂ ਨੂੰ ਵਧੇਰੇ ਪਸੰਦ ਹੈ। ਬੀਤੇ ਦਿਨ ਹੀ ਜਿੰਮੀ ਸ਼ੇਰਗਿੱਲ ਨੇ ਨਵੀਂ ਮਰਸਡੀਜ਼ G63 AMG ਖਰੀਦੀ।

ਇਸ ਗੱਡੀ ਦੀ ਐਕਸ ਸ਼ੋਅਰੂਮ ਕੀਮਤ 2.19 ਕਰੋੜ ਰੁਪਏ ਹੈ। ਇਹ ਦੁਨੀਆ ਦੀ ਸਭ ਤੋਂ ਦਮਦਾਰ ਐੱਸ. ਯੂ. ਵੀਜ਼. ‘ਚੋਂ ਇਕ ਹੈ। ਮਰਸਡੀਜ਼ AMG G 63 ‘ਚ 5.5 ਲੀਟਰ V8 ਪੈਟਰੋਲ ਇੰਜਨ ਲੱਗਾ ਹੈ।

0 ਤੋਂ 100km ਦੀ ਰਫਤਾਰ ਫੜ੍ਹਣ ‘ਚ ਇਸ ਨੂੰ 5.4 ਸੈਕਿੰਡ ਦਾ ਸਮਾਂ ਲੱਗਦਾ ਹੈ। ਇਸ ਦੀ ਟਾਪ ਸਪੀਡ 210km/h ਹੈ। ਗੱਡੀ ‘ਚ ਲੱਗਾ ਇੰਜਨ ਕਾਫੀ ਦਮਦਾਰ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਮਰਸਡੀਜ਼ G63 AMG ਨੂੰ G-Wagen ਵੀ ਕਿਹਾ ਜਾਂਦਾ ਹੈ। ਇਹ ਗੱਡੀ ਹਰ ਤਰ੍ਹਾਂ ਦੇ ਰਸਤਿਆਂ ਦੇ ਹਿਸਾਬ ਨਾਲ ਬਣਾਈ ਗਈ ਹੈ ਅਤੇ ਇਸ ‘ਚ ਕਈ ਚੰਗੇ ਫੀਚਰਜ਼ ਨੂੰ ਸ਼ਾਮਲ ਕੀਤਾ ਗਿਆ ਹੈ।

ਇਸ ਦਾ ਲੁੱਕ ਵੀ ਕਾਫੀ ਆਕਰਸ਼ਿਤ ਹੈ, ਇਸ ਦੇ ਰਾਊਂਡ ਸ਼ੇਪ ਵਾਲੇ ਹੈੱਡਲੈਂਪਸ ਇਸ ਨੂੰ ਹੋਰ ਵੀ ਕਲਾਸੀਕ ਲੁੱਕ ਦਿੰਦੇ ਹੈ।

ਜ਼ਿਕਰਯੋਗ ਹੈ ਕਿ ‘ਤੇਰਾ ਮੇਰਾ ਕੀ ਰਿਸ਼ਤਾ’, ‘ਜਿੰਦੂਆ’, ‘ਹੀਰੋ ਨਾਮ ਯਾਦ ਰੱਖੀ’, ‘ਵਿਸਾਖੀ ਲਿਸਟ’, ‘ਮੁੰਡੇ ਯੂ. ਕੇ. ਦੇ’, ‘ਯਾਰਾਂ ਨਾਲ ਬਹਾਰਾਂ’, ‘ਮੇਲ ਕਰਾਦੇ ਰੱਬਾ’, ‘ਸ਼ਰੀਕ’ ਵਰਗੀਆਂ ਸੁਪਰਹਿੱਟ ਫਿਲਮਾਂ ਤੋਂ ਇਲਾਵਾ ਕਈ ਬਾਲੀਵੁੱਡ ਫਿਲਮਾਂ ‘ਚ ਵੀ ਆਪਣੀ ਐਕਟਿੰਗ ਦਾ ਲੋਹਾ ਮੰਨਵਾ ਚੁੱਕੇ ਹਨ।

ਪੰਜਾਬੀ ਗਾਇਕ ਪਰਮੀਸ਼ ਵਰਮਾ ਤੋਂ ਫਿਰੌਤੀ ਮੰਗੇ ਜਾਣ ਤੋਂ ਬਾਅਦ ਹੁਣ ਪੰਜਾਬ ਦੇ ਮਸ਼ਹੂਰ ਪੰਜਾਬੀ ਗਾਇਕ ਬਲਕਾਰ ਸਿੱਧੂ ਤੋਂ ਇਕ ਲੱਖ ਰੁਪਏ ਦੀ ਫਿਰੌਤੀ ਮੰਗੀ ਗਈ ਅਤੇ ਇਹ ਵੀ ਧਮਕੀ ਦਿੱਤੀ ਗਈ ਹੈ ਕਿ ਜੇਕਰ ਉਸ ਨੇ ਪੈਸੇ ਨਹੀਂ ਦਿੱਤੇ ਤਾਂ ਉਸ ਦੀ ਫੇਸਬੁੱਕ ‘ਤੇ ਅਸ਼ਲੀਲ ਸਮੱਗਰੀ ਪਾ ਦਿੱਤੀ ਜਾਵੇਗੀ।

ਜਾਣਕਾਰੀ ਮੁਤਾਬਕ ਬਲਕਾਰ ਸਿੱਧੂ ਨੇ ਦੱਸਿਆ ਕਿ ਪਰਮੀਸ਼ ਵਰਮਾ ‘ਤੇ ਹਮਲਾ ਹੋਣ ਦੇ ਕੁਝ ਦਿਨਾਂ ਬਾਅਦ ਹੀ ਉਸ ਨੂੰ ਮੋਬਾਇਲ ‘ਤੇ ਫੋਨ ਆਇਆ ਅਤੇ ਉਸ ਦੇ ਫੇਸਬੁੱਕ ਅਕਾਊਂਟ ਨੂੰ ਹੈਕ ਕਰ ਲਿਆ ਗਿਆ ਹੈ

ਅਤੇ ਜੇਕਰ ਉਸ ਨੇ ਬਚਣਾ ਹੈ ਤਾਂ ਇਕ ਲੱਖ ਰੁਪਏ ਦੇਣੇ ਪੈਣਗੇ। ਫੋਨ ਕਰਨ ਵਾਲੇ ਨੇ ਇਹ ਵੀ ਧਮਕੀ ਦਿੱਤੀ ਜੇਕਰ ਉਸ ਦੀ ਗੱਲ ਨਹੀਂ ਮੰਨੀ ਗਈ ਤਾਂ ਉਹ ਬਲਕਾਰ ਸਿੱਧੂ ਦੀ ਫੇਸਬੁੱਕ ‘ਤੇ ਅਸ਼ਲੀਲ ਮੈਸਜ ਪਾ ਦੇਵੇਗਾ, ਜਿਸ ਕਾਰਨ ਉਸ ਦਾ ਸਾਰਾ ਭਵਿੱਖ ਖਰਾਬ ਹੋ ਜਾਵੇਗਾ। ਫਿਲਹਾਲ ਇਸ ਸਬੰਧੀ ਬਲਕਾਰ ਸਿੱਧੂ ਨੇ ਸਟੇਟ ਸਾਈਬਰ ਸੈੱਲ ਨੂੰ ਸ਼ਿਕਾਇਤ ਦਿੱਤੀ ਹੈ।

ਸ਼ਿਕਾਇਤ ‘ਚ ਬਲਕਾਰ ਸਿੱਧੂ ਨੇ ਦੱਸਿਆ ਕਿ ਇਕ ਅਣਪਛਾਤਾ ਸ਼ਖਸ ਪਿਛਲੇ ਇਕ ਹਫਤੇ ਤੋਂ ਵਾਰ-ਵਾਰ ਫੋਨ ਕਰਕੇ ਉਸ ਨੂੰ ਪਰੇਸ਼ਾਨ ਕਰ ਰਿਹਾ ਸੀ ਅਤੇ ਲਗਾਤਾਰ ਪੈਸਿਆਂ ਦੀ ਮੰਗ ਕਰ ਰਿਹਾ ਸੀ। ਫੋਨ ਕਰਨ ਵਾਲੇ ਇਕ ਪੇਟੀਐੱਮ ਅਕਾਊਂਟ ਵੀ ਭੇਜਿਆ ਅਤੇ ਕਿਹਾ ਕਿ ਇਸ ‘ਚ ਇਕ ਲੱਖ ਰੁਪਏ ਪਾ ਦਿੱਤੇ ਜਾਣ। ਬਲਕਾਰ ਸਿੱਧੂ ਨੇ ਆਪਣੇ ਅਕਾਊਂਟ ‘ਚੋਂ 8400 ਰੁਪਏ ਟਰਾਂਸਫਰ ਵੀ ਕਰ ਦਿੱਤੇ।

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਗਾਇਕ ਪਰਮੀਸ਼ ਵਰਮਾ ‘ਤੇ ਗੈਂਗਸਟਰ ਦਿਲਪ੍ਰੀਤ ਸਿੰਘ ਨੇ ਕਾਤਲਾਨਾ ਹਮਲਾ ਪੈਸਿਆਂ ਲਈ ਕੀਤਾ ਸੀ ਅਤੇ ਹੁਣ ਬਲਕਾਰ ਸਿੱਧੂ ਨੂੰ ਅਜਿਹੇ ਧਮਕੀ ਭਰੇ ਫੋਨ ਆਉਣਾ ਸਚਮੁੱੱਚ ਗੰਭੀਰ ਮੁੱਦਾ ਹੈ।

ਹੋ ਸਕਦਾ ਹੈ ਕਿ ਤੁਹਾਨੂੰ ਆਪਣੇ ਖਾਤੇ ਵਿਚ ਔਸਤ ਘੱਟੋ-ਘੱਟ ਬੈਲੇਂਸ ਰੱਖਣ ਤੋਂ ਬਾਅਦ ਵੀ ਏ.ਟੀ.ਐੱਮ. ਟ੍ਰਾਂਜੈਕਸ਼ਨ, ਫਿਊਲ ਸਰਚਾਰਜ ਰਿਫੰਡ, ਚੈੱਕ ਬੁੱਕ, ਡੈਬਿਟ ਕਾਰਡ ਆਦਿ ਸੇਵਾਵਾਂ ਮੁਫਤ ਨਾ ਮਿਲ ਸਕਣ। ਦਰਅਸਲ ਟੈਕਸ ਵਿਭਾਗ ਨੇ ਐੱਸ.ਬੀ.ਆਈ. ਐੱਚ.ਡੀ.ਐੱਫ.ਸੀ., ਆਈ.ਸੀ.ਆਈ.ਸੀ.ਆਈ., ਐਕਸਿਸ ਬੈਂਕ ਅਤੇ ਕੋਟਕ ਮਹਿੰਦਰਾ ਬੈਂਕ ਵਰਗੇ ਦੇਸ਼ ਦੇ ਵੱਡੇ ਬੈਂਕਾਂ ਕੋਲੋਂ ਘੱਟੋ-ਘੱਟ ਬੈਲੇਂਸ ਸੰਤੁਲਨ ਕਰਨ ਵਾਲੇ ਗ੍ਰਾਹਕਾਂ ਨੂੰ ਮੁਫਤ ‘ਚ ਦਿੱਤੀਆਂ ਗਈਆਂ ਸੇਵਾਵਾਂ ‘ਤੇ ਟੈਕਸ ਦਾ ਭੁਗਤਾਨ ਕਰਨ ਲਈ ਕਿਹਾ ਹੈ।

ਇਹ ਟੈਕਸ ਪਿਛਲੀ ਤਾਰੀਖ ਤੋਂ ਮੰਗਿਆ ਗਿਆ ਹੈ ਜੋ ਕਿ ਹਜ਼ਾਰਾਂ ਕਰੋੜ ਰੁਪਏ ਦਾ ਹੋ ਸਕਦਾ ਹੈ। ਡਾਇਰੈਕਟਰ ਜਨਰਲ ਆਫ ਗੁਡਸ ਐਂਡ ਸਰਵਸਿਸ ਟੈਕਸ ਇੰਟੈਲੀਜੈਂਸ(DGGST) ਨੇ ਇਨ੍ਹਾਂ ਬੈਂਕਾਂ ਨੂੰ ਇਸ ਮਾਮਲੇ ਵਿਚ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਹੈ। ਇਹ ਨੋਟਿਸ ਦੂਸਰੇ ਬੈਂਕਾਂ ਨੂੰ ਵੀ ਭੇਜਿਆ ਜਾ ਸਕਦਾ ਹੈ।

ਬੈਲੇਂਸ ਮੇਨਟੇਨ ਕਰਨ ਵਾਲੇ ਖਾਤਿਆਂ ‘ਤੇ ਟੈਕਸ

ਇਸ ਮਾਮਲੇ ਬਾਰੇ ਇਕ ਵੱਡੇ ਟੈਕਸ ਅਧਿਕਾਰੀ ਨੇ ਦੱਸਿਆ ਕਿ ਪਿਛਲੇ ਪੰਜ ਸਾਲਾਂ ਦੇ ਟੈਕਸ ਭੁਗਤਾਨ ਦੀ ਮੰਗ ਕੀਤੀ ਗਈ ਹੈ ਕਿਉਂਕਿ ਨਿਯਮਾਂ ਮੁਤਾਬਕ ਪੰਜ ਸਾਲ ਤੋਂ ਪਹਿਲਾਂ ਸਰਵਿਸ ਟੈਕਸ ਨਹੀਂ ਮੰਗਿਆ ਜਾ ਸਕਦਾ ਹੈ। ਜਿਨ੍ਹਾਂ ਖਾਤਿਆਂ ਵਿਚ ਘੱਟੋ-ਘੱਟ ਬੈਲੇਂਸ ਮੇਨਟੇਨ ਹੋ ਰਹੇ ਹਨ, ਉਨ੍ਹਾਂ ‘ਤੇ ਵੀ ਟੈਕਸ ਦੀ ਮੰਗ ਉਸੇ ਅਧਾਰ ‘ਤੇ ਕੀਤੀ ਗਈ ਹੈ ਜਿਸ ਅਧਾਰ ‘ਤੇ ਬੈਂਕ ਘੱਟੋ-ਘੱਟ ਬੈਲੇਂਸ ਮੇਨਟੇਨ ਨਾ ਕਰਨ ਵਾਲੇ ਗ੍ਰਾਹਕਾਂ ਤੋਂ ਚਾਰਜ ਲੈਂਦੇ ਹਨ।

ਅਰਥਾਤ ਖਾਤੇ ਵਿਚ ਘੱਟੋ-ਘੱਟ ਬੈਲੇਂਸ ਮੇਨਟੇਨ ਨਾ ਕਰਨ ਵਾਲੇ ਗ੍ਰਾਹਕਾਂ ਕੋਲੋਂ ਬੈਂਕ ਜਿੰਨ੍ਹੀ ਰਕਮ ਜ਼ੁਰਮਾਨੇ ਦੇ ਰੂਪ ਵਿਚ ਵਸੂਲਦਾ ਹੈ, ਘੱਟੋ-ਘੱਟ ਬਕਾਇਆ ਮੇਨਟੇਨ ਕਰਨ ਵਾਲੇ ਹਰ ਖਾਤੇ ‘ਤੇ ਵੀ ਉਨ੍ਹੀ ਹੀ ਰਕਮ ਜੋੜ ਕੇ ਟੈਕਸ ਦੀ ਗਣਨਾ ਕੀਤੀ ਜਾਵੇਗੀ।

ਇਸ ਲਈ ਚਿੰਤਾ ਵਿਚ ਹਨ ਬੈਂਕ

ਬੈਂਕ ਇਸ ਲਈ ਚਿੰਤਤ ਹਨ ਕਿਉਂਕਿ ਉਹ ਪਿਛਲੀ ਤਾਰੀਖਾਂ ਦੀ ਆਪਣੇ ਗਾਹਕਾਂ ਕੋਲੋਂ ਟੈਕਸ ਦੀ ਮੰਗ ਨਹੀਂ ਕਰ ਸਕਦੇ। ਜੇਕਰ ਇਸ ਟੈਕਸ ਨੂੰ ਮੁੜ ਬਹਾਲ ਕੀਤਾ ਜਾਂਦਾ ਹੈ ਤਾਂ ਆਉਣ ਵਾਲੇ ਸਮੇਂ ਵਿਚ ਇਸ ਦਾ ਬੋਝ ਗਾਹਕਾਂ ‘ਤੇ ਪਵੇਗਾ। ਬੈਂਕ ਇਸ ਮਾਮਲੇ ਵਿਚ DGGST ਦੇ ਦਾਅਵੇ ਨੂੰ ਚੁਣੌਤੀ ਦੇ ਸਕਦੇ ਹਨ ਅਤੇ ਉਹ ਇਸ ਲਈ ਸਰਕਾਰ ਅੱਗੇ ਵੀ ਅਪੀਲ ਕਰ ਸਕਦੇ ਹਨ।

ਬੈਂਕਾਂ ਨੂੰ 60 ਅਰਬ ਦੀ ਅਦਾਇਗੀ ਕਰਨੀ ਪੈ ਸਕਦੀ ਹੈ

ਇਸ ਮਾਮਲੇ ਵਿਚ ਐਕਸਿਸ ਬੈਂਕ ਦੇ ਬੁਲਾਰੇ ਨੇ ਕਿਹਾ,’ਸਾਨੂੰ ਇਹ ਨੋਟਿਸ ਮਿਲਿਆ ਹੈ। ਇਹ ਪੂਰੀ ਉਦਯੋਗਿਕ ਇਕਾਈ ਦਾ ਮਸਲਾ ਹੈ। ਕਾਰਨ ਦੱਸੋ ਨੋਟਿਸ ਵਿਚ ਜਿਨ੍ਹਾਂ ਗੱਲਾਂ ਦਾ ਜ਼ਿਕਰ ਕੀਤਾ ਗਿਆ ਹੈ ਉਨ੍ਹਾਂ ਗੱਲਾਂ ‘ਤੇ ਮਾਹਰਾਂ ਨਾਲ ਸਲਾਹ ਮਸ਼ਵਰਾ ਕੀਤਾ ਜਾ ਰਿਹਾ ਹੈ। ਇਸ ਬਾਰੇ ਵਿਚ ਐੱਸ.ਬੀ.ਆਈ. ਐੱਚ.ਡੀ.ਐੱਫ.ਸੀ. ਬੈਂਕ, ਆਈ.ਸੀ.ਆਈ.ਸੀ.ਆਈ. ਬੈਂਕ ਅਤੇ ਕੋਟਕ ਮਹਿੰਦਰਾ ਬੈਂਕ ਨੂੰ ਈਮੇਲ ਜ਼ਰੀਏ ਪੁੱਛੇ ਸਵਾਲਾਂ ਦਾ ਜਵਾਬ ਨਹੀਂ ਮਿਲਿਆ।

ਇਕ ਹੋਰ ਬੈਂਕ ਅਧਿਕਾਰੀ ਨੇ ਦੱਸਿਆ ਕਿ ‘ਇਸ ਨੋਟਿਸ ਵਿਚ ਜੀ.ਐੱਸ.ਟੀ. ਦੇ ਲਾਂਚ ਪੀਰੀਅਡ ਨੂੰ ਵੀ ਕਵਰ ਕੀਤਾ ਗਿਆ ਹੈ, ਜਦੋਂ ਸਰਵਿਸ ਟੈਕਸ ਸਿਸਟਮ ਲਾਗੂ ਸੀ। ਇਸ ਅਧਿਕਾਰੀ ਨੇ ਦੱਸਿਆ ਕਿ ਬੈਂਕਾਂ ‘ਤੇ ਕੁੱਲ ਟੈਕਸ ਦੇਣਦਾਰੀ 6,000 ਕਰੋੜ ਰੁਪਏ ਦੀ ਹੋ ਸਕਦੀ ਹੈ। ਪਰ ਕੁਝ ਬੈਂਕਾਂ ਦਾ ਕਹਿਣਾ ਹੈ ਕਿ ਅਸਲ ਰਕਮ ਇਸ ਤੋਂ ਵੀ ਜ਼ਿਆਦਾ ਹੋ ਸਕਦੀ ਹੈ।

ਗਾਹਕਾਂ ਨੂੰ ਮਿਲ ਰਹੀਆਂ ਇਨ੍ਹਾਂ ਛੋਟਾਂ ‘ਤੇ ਨਜ਼ਰ

DGGST ਨੇ ਬੈਂਕਾਂ ਵਲੋਂ ਗਾਹਕਾਂ ਨੂੰ ਦਿੱਤੀਆਂ ਜਾਣ ਵਾਲੀਆਂ ਸੇਵਾਵਾਂ ਦੀ ਪੜਤਾਲ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਇਨ੍ਹਾਂ ਸੇਵਾਵਾਂ ਲਈ ਬੈਂਕ ਕੁਝ ਫੀਸ ਲੈਂਦਾ ਹੈ ਜਾਂ ਨਿਮਨ ਸੰਤੁਲਨ ਦੀ ਸਾਂਭ ਸੰਭਾਲ ਕਰਨ ‘ਤੇ ਉਨ੍ਹਾਂ ਨੂੰ ਮੁਫਤ ਵਿਚ ਇਹ ਸੇਵਾਵਾਂ ਦਿੱਤੀਆਂ ਜਾਂਦੀਆਂ ਹਨ।

ਫੀਸ ਅਧਾਰਤ ਸੇਵਾਵਾਂ ਵਿਚ ਇਕ ਨਿਯਮ ਸੀਮਾ ਤੋਂ ਜ਼ਿਆਦਾ ਏ.ਟੀ.ਐੱਮ. ਟ੍ਰਾਂਜੈਕਸ਼ਨਜ਼, ਫਿਊਲ ਸਰਚਾਰਜ ਰਿਫੰਡ, ਚੈੱਕ ਬੁੱਕ ਇਸ਼ੂ ਕਰਨਾ, ਡੈਬਿਟ ਕਾਰਡ ਆਦਿ ਸ਼ਾਮਲ ਹਨ। ਹਾਲਾਂਕਿ ਵਿਸ਼ੇਸ਼ ਗਾਹਕਾਂ ਦੇ ਨਿਊਨਤਮ ਬੈਲੇਂਸ ਮੈਨਟੇਨ ਕਰਨ ‘ਤੇ ਉਨ੍ਹਾਂ ਕੋਲੋਂ ਇਹ ਚਾਰਜ ਨਹੀਂ ਲਏ ਜਾਂਦੇ। ਇਸ ਤਰ੍ਹਾਂ ਦੀਆਂ ਸੇਵਾਵਾਂ ਨੂੰ ਸੇਵਾ ਕਰ ਕਾਨੂੰਨ ਵਿਚ ਡੀਮਡ ਸਰਵਿਸ ਮੰਨਿਆ ਜਾਂਦਾ ਹੈ।

ਕੈਪਟਨ ਸਰਕਾਰ ਨੇ ਮੁੱਖ ਮੰਤਰੀ ਤੇ ਬਾਕੀ ਮੰਤਰੀਆਂ ਲਈ ਨਵੀਆਂ ਲਗਜ਼ਰੀ ਗੱਡੀਆਂ ਖ਼ਰੀਦਣ ਦੀ ਤਿਆਰੀ ਵਿੱਢੀ ਹੈ, ਜਿਨ੍ਹਾਂ ਦਾ ਮਾਲੀ ਬੋਝ ਖ਼ਜ਼ਾਨੇ ਦੀਆਂ ਧੂੜਾਂ ਪੁੱਟੇਗਾ। ਮੁੱਖ ਮੰਤਰੀ, ਵਜ਼ੀਰਾਂ, ਸਲਾਹਕਾਰਾਂ, ਓਐਸਡੀਜ਼ ਅਤੇ ਅਫ਼ਸਰਾਂ ਲਈ ਨਵੇਂ ਮਹਿੰਗੇ ਵਾਹਨ ਖ਼ਰੀਦਣ ਲਈ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਹੈ।

ਮੋਟਰ ਵਹੀਕਲ ਬੋਰਡ ਦੀ 3 ਅਪਰੈਲ ਨੂੰ ਮੁੱਖ ਸਕੱਤਰ ਦੀ ਪ੍ਰਧਾਨਗੀ ਹੇਠ ਹੋਈ ਮੀਟਿੰਗ ਵਿਚ ਇਸ ਬਾਰੇ ਵਿਚਾਰ-ਵਟਾਂਦਰਾ ਹੋ ਚੁੱਕਾ ਹੈ। ਇਨ੍ਹਾਂ ਵਾਹਨਾਂ ਲਈ ਬਜਟ ਦਾ ਇੰਤਜ਼ਾਮ ਕਰਨ ਲਈ ਹੁਣ ਉਪਰਾਲੇ ਹੋ ਰਹੇ ਹਨ। ਕੈਪਟਨ ਅਮਰਿੰਦਰ ਸਿੰਘ ਦੀ ਕਾਂਗਰਸ ਸਰਕਾਰ ਇਸ ਰਾਹ ਉਦੋਂ ਪਈ ਹੈ ਜਦੋਂ ਖ਼ਾਲੀ ਖ਼ਜ਼ਾਨੇ ਨੇ ਸੂਬੇ ਦੀ ਹਾਲਤ ਖ਼ਰਾਬ ਕੀਤੀ ਹੋਈ ਹੈ।

ਇਸਦੇ ਨਾਲ ਸਬੰਧਿਤ ਹੈਰਾਨੀਜਨਕ ਅੰਕੜੇ ਪੇਸ਼ ਕੀਤੇ ਹਨ। ਜਿਸ ਦੇ ਅਨੁਸਾਰ ਮੁੱਖ ਮੰਤਰੀ ਦਫ਼ਤਰ ਲਈ 6.51 ਕਰੋੜ ਰੁਪਏ ’ਚ 24 ਲਗਜ਼ਰੀ ਗੱਡੀਆਂ ਖ਼ਰੀਦਣ ਦੀ ਤਜਵੀਜ਼ ਹੈ। ਮੁੱਖ ਮੰਤਰੀ ਲਈ 3.40 ਕਰੋੜ ਰੁਪਏ ’ਚ ਦੋ ਬੁਲੇਟ ਪਰੂਫ਼ ਲੈਂਡ ਕਰੂਜ਼ਰ ਕਾਰਾਂ ਤੇ ਮੁੱਖ ਮੰਤਰੀ ਦਫ਼ਤਰ ਲਈ 1.40 ਕਰੋੜ ’ਚ 7 ਇਨੋਵਾ, 1.31 ਕਰੋੜ ਵਿਚ 13 ਮਹਿੰਦਰਾ ਗੱਡੀਆਂ ਅਤੇ 40 ਲੱਖ ਰੁਪਏ ’ਚ ਦੋ ਹੋਰ ਇਨੋਵਾ ਖ਼ਰੀਦੀਆਂ ਜਾ ਰਹੀਆਂ ਹਨ। ਮੁੱਖ ਮੰਤਰੀ ਕੋਲ ਇਸ ਵੇਲੇ ਸੁਰੱਖਿਆ ਵਾਹਨਾਂ ਤੋਂ ਇਲਾਵਾ 36 ਗੱਡੀਆਂ ਹਨ।

ਕੈਬਨਿਟ ਮੰਤਰੀਆਂ ਲਈ 18 ਨਵੀਆਂ ਟੋਇਟਾ ਫਾਰਚੂਨਰ ਜਾਂ ਟੋਇਟਾ ਕੈਮਰੀ ਕਾਰਾਂ ਖ਼ਰੀਦਣ ਦੀ ਤਿਆਰੀ ਹੈ, ਜਿਨ੍ਹਾਂ ’ਤੇ 4.68 ਤੋਂ 5.36 ਕਰੋੜ ਰੁਪਏ ਤੱਕ ਖ਼ਰਚ ਆਉਣਗੇ। ਮੁੱਖ ਮੰਤਰੀ ਦੇ ਓਐਸਡੀਜ਼ ਲਈ 1.64 ਕਰੋੜ ਰੁਪਏ ’ਚ 14 ਸਿਆਜ਼ ਤੇ ਸਲਾਹਕਾਰਾਂ ਲਈ ਇਨੋਵਾ ਜਾਂ ਕੈਮਰੀ ਖ਼ਰੀਦਣ ਦੀ ਤਜਵੀਜ਼ ਹੈ ਜਿਨ੍ਹਾਂ ’ਤੇ 40 ਤੋਂ 60 ਲੱਖ ਰੁਪਏ ਖ਼ਰਚ ਆਉਣਗੇ।

ਐਮਐਲਏ/ਐਮਪੀਜ਼ ਲਈ 1.59 ਕਰੋੜ ’ਚ 12 ਇਨੋਵਾ ਗੱਡੀਆਂ ਖ਼ਰੀਦਣ ਦੀ ਤਜਵੀਜ਼ ਹੈ। ਪੰਜਾਬ ਰਾਜ ਭਵਨ ਲਈ ਛੇ ਗੱਡੀਆਂ ਖ਼ਰੀਦਣ ਵਾਸਤੇ 79.32 ਲੱਖ ਰੁਪਏ ਦੇ ਬਜਟ ਦੀ ਜ਼ਰੂਰਤ ਹੈ। ਪੰਜਾਬ ਦਾ ਮਾਲੀ ਸੰਕਟ ਕਿਸੇ ਤੋਂ ਭੁੱਲਿਆ ਨਹੀਂ।

ਤਨਖ਼ਾਹਾਂ ਦੇਣ ਲਈ ਪੈਸੇ ਨਹੀਂ ਅਤੇ ਮੁਲਾਜ਼ਮਾਂ ਦੀਆਂ ਤਨਖ਼ਾਹਾਂ ’ਤੇ ਕੱਟ ਲਾਏ ਜਾ ਰਹੇ ਹਨ। ਸਰਕਾਰ ਆਖਦੀ ਹੈ ਕਿ ਉਹ ਖ਼ਰਚੇ ਘੱਟ ਕਰਨ ਦੀ ਰਾਹ ਪਈ ਹੈ ਪਰ ਵਾਹਨ ਖ਼ਰੀਦਣ ਦੀ ਤਿਆਰੀ ਹੋਰ ਹੀ ਹਕੀਕਤ ਬਿਆਨਦੀ ਹੈ। ਪੰਜਾਬ ਭਰ ਦੇ ਅਫ਼ਸਰਾਂ ਲਈ ਵੀ ਵੱਡੀ ਪੱਧਰ ’ਤੇ ਵਾਹਨ ਖ਼ਰੀਦੇ ਜਾਣੇ ਹਨ।

ਤਹਿਸੀਲਦਾਰਾਂ/ਨਾਇਬ ਤਹਿਸੀਲਦਾਰਾਂ ਲਈ 8.96 ਕਰੋੜ ਰੁਪਏ ’ਚ 147 ਮਹਿੰਦਰਾ ਬਲੈਰੋ ਗੱਡੀਆਂ, ਜ਼ਿਲ੍ਹਾ ਮਾਲ ਅਫ਼ਸਰਾਂ ਲਈ 1.41 ਕਰੋੜ ’ਚ 22 ਡੀਜ਼ਾਇਰ ਅਤੇ ਵਿਭਾਗੀ ਮੁਖੀਆਂ ਲਈ 77 ਸਿਆਜ਼ ਜਾਂ ਹੌਂਡਾ ਸਿਟੀ ਕਾਰਾਂ ਖ਼ਰੀਦਣੀਆਂ ਹਨ।

ਵਧੀਕ ਡਿਪਟੀ ਕਮਿਸ਼ਨਰਾਂ ਲਈ ਸਿਆਜ਼, ਵਿੱਤ ਤੇ ਪ੍ਰਮੁੱਖ ਸਕੱਤਰਾਂ ਅਤੇ ਡਵੀਜ਼ਨਲ ਕਮਿਸ਼ਨਰਾਂ ਆਦਿ ਲਈ ਇਨੋਵਾ ਖ਼ਰੀਦਣ ਦੀ ਤਜਵੀਜ਼ ਹੈ। ਮੀਟਿੰਗ ਵਿਚ ਜੇਲ੍ਹ ਵਿਭਾਗ ਲਈ ਵੀ 24 ਐਂਬੂਲੈਂਸਾਂ, 10 ਪ੍ਰਿਜ਼ਨ ਵੈਨਜ਼ ਤੇ ਚਾਰ ਬੱਸਾਂ ਖ਼ਰੀਦਣ ਦੀ ਤਿਆਰੀ ਹੈ। ਪਿਛਲੀ ਵਾਰ ਕੈਪਟਨ ਸਰਕਾਰ ਨੇ 2002-2007 ਦੌਰਾਨ 13.70 ਕਰੋੜ ’ਚ ਕੁੱਲ 266 ਗੱਡੀਆਂ ਖ਼ਰੀਦੀਆਂ ਸਨ, ਜਿਨ੍ਹਾਂ ’ਚ ਵਜ਼ੀਰਾਂ ਲਈ 18 ਕੈਮਰੀ ਗੱਡੀਆਂ ਵੀ ਸ਼ਾਮਲ ਸਨ।

ਸਰਹਾਲੀ ਕਲਾਂ(ਮਨਜੀਤ ਸਿੰਘ, ਬਲਵਿੰਦਰ ਕੌਰ)-12ਵੀਂ ਕਲਾਸ ਦੇ ਆਏ ਨਤੀਜੇ ‘ਚੋਂ ਅਸਫਲ ਹੋਣ ‘ਤੇ ਇਕ ਵਿਦਿਆਰਥੀ ਵੱਲੋਂ ਜੀਵਨ ਲੀਲਾ ਸਮਾਪਤ ਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।

ਜਾਣਕਾਰੀ ਅਨੁਸਾਰ ਸਰਹਾਲੀ ਵਾਸੀ ਜਗਜੀਤ ਸਿੰਘ ਪੁੱਤਰ ਅਮਰਜੀਤ ਸਿੰਘ ਨੇ ਇਸ ਵਾਰ 12ਵੀਂ ਕਲਾਸ ਦੇ ਹਿਊਮੈਨਟੀਜ਼ ਵਿਸ਼ਿਆਂ ‘ਚ ਪੇਪਰ ਦਿੱਤੇ ਸਨ। ਰਿਜ਼ਲਟ ਆਉਣ ‘ਤੇ ਜਗਜੀਤ ਸਿੰਘ ਪੇਪਰ ਪਾਸ ਕਰਨ ‘ਚ ਅਸਫਲ ਰਿਹਾ।

ਮੰਗਲਵਾਰ ਜਦੋਂ ਜਗਜੀਤ ਸਿੰਘ ਦਾ ਪਿਤਾ ਅਮਰਜੀਤ ਸਿੰਘ ਤੇ ਮਾਤਾ ਬਲਜੀਤ ਕੌਰ ਜ਼ਰੂਰੀ ਕੰਮ ਲਈ ਬਾਹਰ ਗਏ ਤਾਂ ਪਿੱਛਿਓਂ ਜਗਜੀਤ ਸਿੰਘ ਨੇ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ।

ਮ੍ਰਿਤਕ ਜਗਜੀਤ ਸਿੰਘ ਦਾ ਪਿਤਾ ਪਹਿਲਾਂ ਡਰਾਈਵਰੀ ਕਰਦਾ ਸੀ ਪਰ ਸਿਹਤ ਖਰਾਬ ਰਹਿਣ ਕਾਰਨ ਅੱਜਕਲ੍ਹ ਥੋੜ੍ਹੀ ਜ਼ਮੀਨ ‘ਚ ਖੇਤੀ ਕਰ ਕੇ ਪਰਿਵਾਰ ਪਾਲ ਰਿਹਾ ਹੈ। ਜਗਜੀਤ ਸਿੰਘ ਦੀ ਮੌਤ ਦੀ ਖਬਰ ਸੁਣਦੇ ਪੂਰੇ ਪਿੰਡ ‘ਚ ਮਾਤਮ ਛਾ ਗਿਆ। ਮ੍ਰਿਤਕ ਜਗਜੀਤ ਸਿੰਘ ਮਾਪਿਆਂ ਦਾ ਇਕਲੌਤਾ ਪੁੱਤਰ ਸੀ, ਜਿਸ ਦੀ ਇਕ ਵੱਡੀ ਭੈਣ ਹੈ।

ਜ਼ਿਕਰਯੋਗ ਹੈ ਕਿ ਇਸ ਬਾਰੇ ਪੰਜਾਬ ਸਕੂਲ ਸਿਖਿਆ ਬੋਰਡ ਵਲੋਂ ਐਲਾਨ 12ਵੀ ਜਮਾਤ ਦੇ ਨਤੀਜਿਆਂ ‘ਚ ਤਰਨਤਾਰਨ ਬੇਹੱਦ ਮਾੜੇ ਆਏ ਹਨ। ਇਸ ਬਾਰੇ 16613 ਵਿਦਿਆਰਥੀਆਂ ਨੇ ਪੇਪਰ ਦਿੱਤੇ ਸਨ ਜਿਨ੍ਹਾਂ ‘ਚੋਂ 5249 ਹੀ ਬੱਚੇ ਪਾਸ ਹੋ ਸਕੇ ਹਨ। ਇਸ ਤਰ੍ਹਾਂ ਤਰਨਤਾਰਨ ਜ਼ਿਲੇ ਦੇ ਨਤੀਜੇ ਮੁਤਾਬਕ ਪ੍ਰੀਖੀਆ ਦੇਣ ਵਾਲੇ ਲਗਭਗ 70ਫੀਸਦੀ ਵਿਦਿਆਰਥੀ ਫੇਲ ਹੋਏ ਹਨ।